Ҷавонон ба шанбегӣ мебароянд
Душанбе, 27 апрел. (АМИТ «Ховар», Дилшодаи Хайруллоҳ). Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар бобати иҷрои дастуру супоришҳои Сарвари давлат пайваста тадбирҳои амалӣ меандешад. 28 апрели соли равон дар боғу гулгаштҳо, кӯчаву хиёбонҳо, мавзеъҳои таърихӣ, марказҳои фарҳангиву таълимӣ, аз ҷумла дар майдони Парчам ва Нишони давлатии Ҷумҳурии Тоҷикистон, Боғи устод Рӯдакӣ, Боғи Ғалаба, хиёбони Ҳ. Шерозӣ ва дар ҳудудҳои муассисаҳои зертобеи кумита бо ҷалби васеи ҷавонон шанбегӣ ҷараён мегирад. Ҳамзамон масъулини сохторҳои маҳаллии кумита ҷиҳати иштироки фаъоли ҷавонон дар раванди шанбегӣ дар марказ ва маҳалҳо муваззаф гардидаанд.