Нашри китоби Баҳор дар «Бухоро»

Апрель 27, 2012 14:12

Душанбе, 26 апрел.(АМИТ «Ховар», Марзия Саидова).-Китоби адиби эронӣ Маликушшуаро Баҳор «Сабкшиносӣ ё таърихи татаввури насри форсӣ»-ро нашриёти «Бухоро»-и Душанбе аз чоп баровард. Китоби мазкур бо иқдоми Китобхонаи миллии Тоҷикистон ва ҳимояти Ройзании фарҳангии Сафорати Эрон дар Душанбе нашр шудааст. Донишмандони тоҷик Шарифмуроди Исрофилниё ва Н. Саркоров онро аз ҳуруфи форсӣ ба кириллӣ баргардонидаанд . Қодири Рустам ва Мубашшир Акбарзод муҳаррирони китоб маҳсуб мешаванд. Дар китоби «Сабкшиносӣ» таърихи насри форсӣ аз ибтидо то қарни 20 бар мабнои шинохту таснифи сабк ва равишҳои услуби таълиф мавриди таҳқиқ қарор гирифтааст. Дар он нахуст роҷеъ ба мафҳуми сабк, сухан меравад. Инчунин доир ба таърихи забонҳои эронӣ, сайри таърихии рушду такомули онҳо, қадимтарин осори адабию мазҳабии мансуб ба ин забонҳо батафсил маълумот дода шудааст. Қисмати дигари китоб ба таҳқиқи насри давраи исломӣ ихтисос ёфтааст. Маликушшуаро Баҳор аз пурмаҳсултарин адибон ва адабиётшиносони муосири Эрон буда, дар радифи таъсиси рӯзномаю маҷалла дар арсаи назму наср осори пурарзиш таълиф намудааст. Муҳаққиқон ӯро ба унвони яке аз вопасин чеҳраҳои барҷастаи адаби классики форсӣ дар қаламрави шеъру таҳқиқ ном бурдаанд . Маликушшуаро Баҳор аз шоирони суннатгарост. Дар тамоми навъҳои шеъри классикӣ шеър гуфтааст, ки осори манзумаш 36 000 байтро ташкил медиҳад. Китоби «Сабкшиносӣ» барои доираи васеи хонандагон, алалхусус донишҷӯён ва муҳаққиқони бахши суханшиносӣ муфид аст.

Апрель 27, 2012 14:12

Хабарҳои дигари ин бахш

Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд
Насби пойгоҳи базавӣ чӣ қадар арзиш дорад?
Тоҷикистон ва Узбекистон татбиқи лоиҳаҳои манфиатбахши муштаракро баррасӣ намуданд
Имрӯз дар Тоҷикистон ҳавои тағйирёбанда мешавад
ҚУРБИ АСЪОР: дар Тоҷикистон 1 рубли русӣ аз 0. 1185 то 0.1205 сомонӣ муқаррар шудааст