Ҷоми президенти АФК: ба Душанбе марҳабо!
Душанбе, 2 май. ( АМИТ «Ховар», Аловиддин Бӯриев).- Аз рӯзи 5 май дар Варзишгоҳи марказии пойтахт мусобиқаи интихобии Ҷоми президенти АФК (Конфедератсияи футболи Осиё) дар гурӯҳи «С» бо ширкати дастаҳои «Истиқлол»-и Тоҷикистон, «Ал-Амарӣ»-и Фаластин ва «Балкан»-и Туркманистон оғоз мегардад. Футболбозони дастаи “Балкан” аллакай ба Душанбе ҳозир шуданд. Дар мусобиқаи мазкур гузаронидани бозии лотерея аз ҷониби масъулини бозиҳо таҳия шудааст, ки ду мошини сабукрави тамғаи ВАЗ-21015, се скутер (дучарха) ва техникаи маишӣ дар вохӯрии байни дастаҳои “Истиқлол” бо «Ал-Амарӣ» (7-уми май) ва «Балкан» (9-уми май) ба бозӣ гузошта хоҳанд шуд. Сарпарастии кулли бозиҳои интихобии Ҷоми раиси АФК дар Душанберо Ширкати мобилии TCELL ба ӯҳда гирифтааст. Оғози бозиҳо соати 16 муқаррар шудааст.