80- солагии Коллеҷи тиббии шаҳри Хуҷанд
Душанбе, 3 май. (АМИТ «Ховар», Покиза Маҳмадбекова). — Қарори Раиси вилояти Суғд Қоҳир Расулзода аз 2 майи соли равон дар бораи таҷлили 80-солагии таъсиси Коллеҷи тиббии шаҳри Хуҷанд ба тасвиб расид. Бо назардошти нақши Коллеҷи тиббии шаҳри Хуҷанд дар тарбияи мутахассисони дорои маълумоти миёнаи тиббӣ баҳри ҳифзи сиҳатии омма 21 майи соли равон 80-солагии таъсиси ин таълимгоҳ ботантана таҷлил мешавад. Мутобиқи нақша баргузор намудани вохӯрию маҳфилҳо бо олимони варзида, собиқадорон, таҳияву нашри маҷалла ва буклет, конфронси илмию назариявӣ, инчунин семинари ҷумҳуриявӣ дар мавзӯи “Асосҳои рушди таҳсилоти миёнаи касбии тиббӣ дар Ҷумҳурии Тоҷикистон” тарҳрезӣ гардидааст.