Ба Кодекси расмиёти маъмурии кишвар тағийрот ворид мегардад
Душанбе, 8 май.(АМИТ «Ховар», Марзия Саидова).-Аъзои Шўрои Маҷлиси намояндагон дар ҷаласаи навбатӣ, ки 8 май доир гардид, масъалаҳои ворид намудани тағйиру иловаҳо ба Қонуни Ҷумҳурии Тоҷикистон «Дар бораи таҳсилоти ибтидоии касбӣ» -ро баррасӣ карданд. Муҳаммадато Султонов, сухангўи палатаи поёнии парлумони ҷумҳурӣ ба АМИТ «Ховар» иттилоъ дод, ки аъзои Шўро ҳамзамон масъалаҳои ворид намудани иловаҳо ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2012», «Дар бораи ҳимояи давлатии иштирокчиёни мурофиаи судии ҷиноятӣ», «Оид ба ворид намудани илова ба Қонуни Ҷумҳурии Тоҷикистон «Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон», «Оид ба ворид намудани тағйирот ба Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи истеҳсол ва муносибати эҳтиёткорона бо пеститсидҳо ва агрокимиёҳо», «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон, Кодекси расмиёти маъмурии Ҷумҳурии Тоҷикистон, Кодекси андози Ҷумҳурии Тоҷикистон»-ро муҳокима намуданд. Амирқул Азимов, Азизмад Имомов ва дигар аъзои Шўрои Маҷлиси намояндагон роҷеъ ба дигар масъалаҳои рўзномаи ҷаласа табодули назар намуда, таҳияи қонунҳои мукаммал ва ворид намудани тағйирот ба қонунҳои амалкунандаро ба сифати талаботи замон зикр карданд.