Кӯмаки Сарвари давлат ба иштирокчиёну маъюбони ҶБВ
Душанбе, 2 май. (АМИТ «Ховар»). — Имрӯз Президенти кишвар Эмомалӣ Раҳмон доир ба пардохти кӯмакпулии яквақта ба иштирокчиёну маъюбони Ҷанги Бузурги Ватании солҳои 1941-1945 амр имзо намуд. Тибқи амри Президенти Ҷумҳурии Тоҷикистон Вазорати молияи кишвар вазифадор аст, ки ба иштирокчиёну маъюбони Ҷанги Бузурги Ватании солҳои 1941-1945 кӯмаки яквақтаи пулӣ ҷудо намояд. Раисони вилоятҳо ва шаҳру ноҳия низ аз ҷониби Сарвари давлат Эмомалӣ Раҳмон вазифадор шудаанд, ки ба иштирокчиёну маъюбони Ҷанги Бузурги Ватании солҳои 1941-1945 кӯмакҳои моддию маънавӣ расонанд. Дар ин бора ба АМИТ «Ховар» аз Хадамоти матбуоти Сарвари давлат иттилоъ доданд.