Конфронси олимони ҷавон
Суғд, 8 май.(АМИТ «Ховар», Мирзалӣ Амонов).-Дар Донишгоҳи давлатии ҳуқуқ, бизнес ва сиёсати Тоҷикистон конфронси илмию назарии олимони ҷавон ва донишҷӯён таҳти унвони «Ҷавонон дар ҷаҳони иттилоотӣ ва саноатӣ» баргузор гардид. Дар конфронс масъалаҳои татбиқи технологияҳои инноватсионӣ ва усулҳои нави кор дар хизматрасонии электронии ҷараёни таълим, хусусиятҳои танзими худомӯзии электронӣ, татбиқи технологияҳои навтарини иттилоотӣ, муҳимтарин дастовардҳои олимону донишҷӯён дар ин самт, нақш ва саҳми ҷавонон дар ғановати ҷаҳони иттилоотию саноатӣ мавриди баррасӣ қарор гирифт. Конфронс 3 рӯз идома меёбад.