Намояндагони Тоҷикистон ба Ереван мераванд
Душанбе, 2 май.(АМИТ «Ховар», Марзия Саидова).- Фардо ҳайати нозирони тоҷик ҷиҳати мушоҳидаи ҷараёни баргузории интихоботи парлумонӣ ба пойтахти Арманистон шаҳри Ереван мераванд. Ба ҳайат аъзои Комиссияи марказии интихобот ва раъйпурсии ҷумҳурӣ Нуралӣ Саидов ва мутахассиси пешбари Комиссияи мазкур Ҷўрахон Қурбонов шомиланд. Аз Комиссияи марказии интихобот ва райъпурсии ҷумҳурӣ ба АМИТ «Ховар» иттилоъ доданд, ки нозирони тоҷик дар ҳайати нозирони кишварҳои Иттиҳоди Давлатҳои Мустақил /ИДМ/ , ки онро Владимир Гаркун, муовини аввали раиси Кумитаи иҷроияи ИДМ роҳбарӣ менамояд, ҷараёни баргузории интихоботи парлумониро мушоҳида менамоянд. Интихоботи вакилон ба Маҷлиси миллии Арманистон 6 май баргузор гардида, дар он 8 ҳизби сиёсӣ- Ҳизби ҷумҳурихоҳи Арманистон, «Арманистони шукуфон», «Оринац еркир», «Мерос», Ҳизби коммунисти Арманистон, Ҳизби демократии Арманистон, «Иттиҳоди арманиҳо» рақобат менамоянд.