Оромгоҳи низомиён обод мешавад
Душанбе, 8 май,(АМИТ «Ховар», Марзия Саидова).-Шаҳрдории Душанбе барои ободонии оромгоҳи 28 нафар хизматчии ҳарбӣ, ки барои барқарор намудани сохти конститутсионии кишвар соли 1996 дар ноҳияи Тавилдара ҳалок гардидаанд, тендер эълон менамояд. Дар тендер шахсони ҳуқуқии ватанӣ ва хориҷии дорои тахассуси сохтмонӣ иштирок карда метавонанд. Ҳуҷҷатҳои довталабон то 28 майи соли равон қабул карда шуда, тендер 29 май ҷамъбаст мегардад.