Ошкорнамоӣ ва мусодираи маводи тарфгарӣ дар Суғд

Декабрь 29, 2015 10:21

Душанбе, 29.12.2015 (АМИТ «Ховар»). -Кормандони Раёсати минтақавии гумрукӣ дар вилояти Суғд роҳи воридот ва паҳн гардидани маводи пиротехникиро ошкор ва пешгирӣ намуданд. Чунончӣ, дар роҳи мошингарди самти «Хуҷанд-Конибодом» дар ҳудуди ҷамоати деҳоти Хистеварзи ноҳияи Бобоҷон Ғафуров, сокини шаҳри Конибодом «М.М» боздошт гардид. Ҳангоми азназаргузаронӣ аз дохили борхалтаи ӯ ба миқдори умумии 1 ҳазору 120 адад маводи гуногуни тарфгарӣ бо навиштаҷоти «ТРЕНИЯ»,  «Петарды Черная смерть», «Салют.16В», «Дракон Х081А», «Выстрелов салют Х087», «Терминатор» дарёфт  шуд. Маводи мазкурро номбурда аз деҳаи Арқаи Ҷумҳурии Қирғизистон харида, мехост ба шаҳри Конибодом интиқол диҳад. Ҳамчунин дар ҳудуди ҷамоати деҳоти Хистеварзи ноҳияи Бобоҷон Ғафуров, шаҳрванд «Ҳ.Қ.» боздошта шуда, зимни азназаргузаронӣ аз дохили борхалтаи ӯ дар дохили 2 қуттии картонии калон ба миқдори умумии 1 ҳазору 100 дона маводи тарфгарӣ дарёфт шуд. Дар ҳудуди ҷамоати деҳоти Хистеварзи ноҳияи Бобоҷон Ғафуров, шаҳрванд «С.Б.» соли таваллудаш 1997, истиқоматкунандаи ш. Конибодом боздошт гардид. Ҳангоми азназаргузаронӣ аз дохили борхалтаи ӯ 2 қуттии калони картонӣ ба миқдори умумии 1 ҳазору 72 адад маводи тарфгарӣ бо навиштаҷоти дарёфт  шуд.  Дар дидбонгоҳи бозрасии автомобилӣ, воқеъ дар деҳоти Хистеварзи ноҳияи Бобоҷон Ғафуров, шаҳрванд «Қ.А.»  соли таваллудаш 1973, истиқоматкунандаи ш. Хуҷанд,  боздошта шуд. Ҳангоми азназаргузаронӣ аз дохили борхалтаи шахси номбурда ба миқдори умумии 6 ҳазору 600  дона маводи тарфгарӣ дар дохили 15 баста дарёфт карда шуд. Дар натиҷаи гузаронидани амалиёт дар роҳи мошингарди самти Конибодом-Хуҷанд мошини тамғаи «Опел- Земфира» таҳти идораи шаҳрванд «М.З.» барои муоинаи гумрукӣ боздошта шуд. Дар ҷараёни гузаронидани муоинаи гумрукӣ аз дохили бордони воситаи нақлиёти мазкур аз дохили 48 қуттии  калони картонӣ ба миқдори умумии 23 ҳазору 944 дона маводи тарфгарӣ дарёфт шуд. Ин миқдор маводи тарфгарӣ ба шаҳрванд Усмонов Икромбек, истиқоматкунандаи шаҳри Хуҷанд тааллуқ дошта, охирон ин миқдор маводро аз як шаҳрванди Қирғизистон ба ҷои қарзаш гирифта, мехост ба шаҳри Хуҷанд бурда, фурӯшад. Тавре ки аз Хадамоти гумруки назди Ҳукумати мамлакат иттилоъ доданд, нисбат ба шахсони қонуншикан парвандаҳои ҷиноятӣ бо моддаи 199 эзоҳи 1, қисми 2-и КҶ Ҷумҳурии Тоҷикистон оғоз карда шуда, аз рӯи тобеияти тафтишотӣ ба Прокуратураи вилояти Суғд фиристонида шудааст.
Бояд гуфт, ки дар давраи пешазсолинавӣ кормандони гумрук дар вилояти Суғд ба миқдори умумии 155 ҳазору 374 адад маводи тарфгарӣ (хлопушка) ва 57 адад оташфаввора дарёфт ва мусодира кардаанд.
Хотиррасон бояд кард, ки мутобиқи талаботи қарори Ҳукумати Ҷумҳурии Тоҷикистон аз 7-уми апрели соли 1997 «Оид ба манъи  интиқоли маҳсулоти тарфгарӣ ба қаламрави Ҷумҳурии Тоҷикистон»,  ва тағйиру иловаҳо ба Кодекси ҳуқуқвайронкунии маъмурӣ истеҳсол, хуриду фурӯш ва нигаҳдориии маводи тарфгарӣ манъ карда шудааст.

Декабрь 29, 2015 10:21

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»