Дар маҷлиси васеи Ҳукумат ба нақши саноат дар сохтори ММД баҳои баланд дода шуд

Январь 21, 2016 09:20

Душанбе, 21.01.2016. (АМИТ «Ховар»). — Дар оғози маҷлиси васеи Ҳукумати мамлакат, ки ин лаҳзаҳо таҳти раёсати Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, Раиси Ҳукумати кишвар мӯҳтарам Эмомалӣ Раҳмон ҷараён дорад, доир ба натиҷаҳои рушди иҷтимоию иқтисодӣ дар соли 2015 ҳисоботи Сарвазири мамлакат Қоҳир Расулзода шунида шуд.

Тавре зикр гардид, Маҷмӯи Маҳсулоти Дохилӣ (ММД) дар соли 2015 6% афзуда, ҳаҷми умумии он ба 48,4 млрд. сомонӣ расид. Ба Буҷети давлатӣ 16,6 млрд. сомонӣ ворид шуд, ки ин ба 100,4% нақшаи даромадҳо баробар аст.

Ба нақши саноат дар сохтори ММД баҳои баланд дода шуд, зеро давоми сол 468 корхонаи нави саноатӣ бо қариб 9 ҳазор ҷойи корӣ ба кор даромадааст.

Содироти нерӯи барқ дар соли 2015 нисбат ба соли 2014-ум 5,5% афзуда, ҳаҷми умумии он ба 1,4 млрд. квт.соат расид.

Соҳаи кишоварзӣ низ яке аз соҳаҳои муҳимтарини иқтисоди миллии Тоҷикистон номида шуд, зеро 70% аҳолии қобили меҳнат дар ҳамин соҳа фаъолият доранд ва таъмини фаровонӣ дар бозори истеъмолӣ ҳам асосан бар дӯши кишоварзони мамлакат аст. Ҳаҷми умумии маҷмуи маҳсулоти кишоварзӣ дар соли 2015 нисбат ба соли 2014 3,2% афзудааст.

Бояд гуфт, ки дар идомаи маҷлис, дар навбати аввал, ҳисоботи роҳбарони вазорату идораҳои бахши иқтисодию молиявӣ ва иҷтимоию фарҳангӣ шунида мешавад.

Январь 21, 2016 09:20

Хабарҳои дигари ин бахш

Маҷлиси Ҳукумати Ҷумҳурии Тоҷикистон баргузор гардид
Пахтакорони ноҳияи Ҷаббор Расулов дар майдони зиёда аз 5 ҳазор гектар кишти чигит мегузаронанд
Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд