Хешовандон садди роҳи ба Сурия рафтани ҷавони гумроҳ шуданд

Январь 4, 2016 11:23

Файзобод, 04.01.2016. (АМИТ «Ховар»)- Суди ноҳияи Файзобод Худойназаров Суҳайлӣ Сафаралиевичро бо моддаҳои 32 қ. 3, 401 қ.1 — и Кодекси Ҷиноятии Ҷумҳурии Тоҷикистон гунаҳгор дониста, ӯро дувоздаҳ сол аз озодӣ маҳрум карда, адои ҷазояшро дар муассисаҳои ислоҳии низомашон сахт таъйин кардааст.
Тибқи иттилои суди ноҳияи Файзобод, судшаванда Худойназаров Суҳайлӣ Сафаралиевич бо ғояҳои ташкилоти террористӣ- экстремистии ба ном ДИ шинос шуда, онҳоро қабулу ҷонибдорӣ намуда, дидаву дониста, ки иштироки шаҳрвандони Ҷумҳурии Тоҷикистон дар воҳидҳои мусаллаҳ, задухӯрди мусаллаҳона ё амалиёти ҷангӣ дар ҳудуди дигар давлатҳо хилофи қонун буда, ҷиноят эътироф шудааст, мақсади ба давлати Сурия рафтан ва дар амалиёти ҷангӣ дар сафи ин гурӯҳи террористӣ иштирок намуданро кардааст. Сипас бо мақсади амалӣ намудани нияти худ ӯ 17 августи соли 2015 тавассути ҳавопаймои хатсайри «Санкт- Петербург-Маскав-Истанбул» ба давлати Туркия омада, нияти ба ҳудуди Ҷумҳурии Сурия гузаштанро кардааст. Хушбахтона. ба воситаи хабаррасонии наздикони Суҳайлӣ Худойназаров ба мақомоти ҳифзи ҳуқуқи ҷумҳуриямон, ҳангоми амалӣ намудани нияташ Суҳайлӣ Худойназаров 29 августи соли 2015 дар наздикии шаҳри Аданаи Ҷумҳурии Туркия аз ҷониби кормандони мақомоти ҳифзи ҳуқуқ дастгир шуда, ба Тоҷикистон баргардонида шуд. Худойназаров Суҳайлӣ ба воситаи кумаки наздиконаш нияти ҷинояткоронаи худро то охир амалӣ карда натавонист.

Январь 4, 2016 11:23

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»