Қӯшунҳои сарҳадӣ: Боздошти 106 вайронкунандаи Сарҳади давлатӣ ва мусодираи беш аз 1 ҳазор кг маводи мухаддир

Январь 14, 2016 13:34

Душанбе, 14.01.2016. (АМИТ «Ховар»). -Дар Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ҷаласаи ҷамъбастии фаъолияти хизмати-ҳарбӣ дар соли 2015 баргузор гардид, ки дар он Раиси Кумитаи давлатии амнияти миллии Ҷумҳурии Тоҷикистон генерал-лейтенант Ятимов Саймумин, муовинони фармондеҳи Қӯшунҳои сарҳадӣ, сардорони раёсатҳо ва фармондеҳони ҷузъу томҳои Сарраёсат иштирок намуданд.
Дар ҷаласа натиҷаҳои фаъолияти хизматӣ-ҳарбии Сарраёсати Қӯшунҳои сарҳадӣ дар соли 2015 баррасӣ гардиданд ва вазифаҳои хизматӣ барои соли 2016 муайян карда шуданд.
Дар ин давра аз тарафи ҷузъу томҳои СҚС КДАМ ҶТ дар якҷоягӣ бо мақомотҳои қудратӣ 78 амалиёт гузаронида шудааст, ки аз он 36 амалиёт дар алоҳидагӣ ва 32 амалиёт бо КДАМ ҶТ мебошад.
Бо қочоқчиёни маводи мухаддир 30 маротиба задухӯрдҳои мусаллаҳона сурат гирифта, дар рафти онҳо 16 қочоқчӣ безарар гардонида шуданд.
Дар ин давра 106 нафар вайронкунандагони Сарҳади давлатӣ боздошт гардиданд, ки аз ин ҳисоб шаҳрвандони Ҷумҳурии Исломии Афғонистон 36 нафар, Ҷумҳурии Қирғизистон 5 нафар, Ҷумҳурии Тоҷикистон 151 нафар, Ҷумҳурии Ӯзбекистон 10 нафар, Ҷумҳурии Мардумии Чин 2 нафар ва Федератсияи Русия 5 нафар мебошанд.
Аз қочоқчиён ба миқдори 1 ҳазору 252 кг маводи мухаддир, аз ҷумла 43 кг героин, 331 кг афюн, 876 кг бангдона (ҳашиш, чарс) мусодира гардидааст. Инчунин дар сарҳад 856 ҳазору 567 бех банги худрӯй муайян, ҷамъоварӣ ва дар иштироки комиссияҳои минтақавӣ нобуд карда шуд.
Ҳамзамон дар натиҷаи ин амалиётҳо 24 адад яроқи оташфишони тамғаҳои гуногун бо 1 ҳазору 209 дона тир, 27 адад тирдон ва зиёда аз 20 адад норинҷакҳои гуногун дарёфт ва мусодира карда шудааст.
Аз қочоқбарони мавод ва молҳои ниёзи мардум 140 тонна селитра, 50 тонна ангиштсанг, зиёда аз 40 тонна оҳанпора, 100 тонна семент ва дигар маводҳои ниёзи мардум дарёфту мусодира гардидааст.
Нисбати амволи дастгиршуда 142 ҳазору 795 сомонӣ пардохти гумрукӣ ба фоидаи давлат гузаронида шудааст.
Аз ҷониби мақомоти назорати сарҳадӣ дар гузаргоҳҳои Сарҳади давлатӣ 1 ҳазору 121 нафар: 12 вайронкунандагони низоми Сарҳади давлатӣ, 303 вайронкунандагони низом дар гузаргоҳи Сарҳади давлатӣ, 430 вайронкунандагони қоидаҳои будубоши шаҳрвандони хориҷӣ дар ҶТ, 376 ашхоси дар кофтуков қарордошта боздошт шуданд.
Дар ҷаласа, баъзе норасоиҳои ҷойдошта дар фаъолияти Сарраёсат муҳокима ва муҳлату чораҳои зарурӣ барои бартараф намудани онҳо муайян карда шуданд. Ба роҳбарони Раёсатҳо ва фармондеҳони қисмҳои ҳарбӣ оид ба сари вақт иҷро намудани чорабиниҳои ба нақша гирифта шуда, ҳамчунин дар мавриди пешгирии ҳуқуқвайронкунӣ ва мустаҳкамии назорати сарҳад, инчунин масъалаҳои зимистонгузаронӣ ва таъмини ҷузъу томҳои Қӯшунҳои сарҳадӣ супоришҳои мушаххас дода шуд.
Дар ҷамъбаст, Отрядҳои сарҳадӣ, дидбонгоҳҳои сарҳадии намунавӣ аз номи Раиси кумита ва Фармондеҳи Қӯшунҳои сарҳадӣ бо мукофотҳо сазовор гардонида шуданд.

Январь 14, 2016 13:34

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»