Тағйироти нахустини кадрӣ дар соли 2016

Январ 11, 2016 11:42
Таъинот8

Душанбе, 11.01.2016. (АМИТ «Ховар»). — Имрӯз Президенти Ҷумҳурии Тоҷикистон Эмомалӣ Раҳмон як қатор кадрҳои ба вазифаҳои пурмасъулият таъингардидаро барои суҳбат ба ҳузур пазируфт.

Пешвои миллат Эмомалӣ Раҳмон кадрҳои ба тозагӣ таъиншударо ба хизмати софдилонаю содиқона ба халқу Ватан, ҳифзи шоиста аз манфиатҳои миллии давлати Тоҷикистон, риояи қонунияту тартиботи ҳуқуқӣ, таъмини волоияти қонун ва тарбияи дурусти кадрҳои ҷавону ояндадор ҳидоят намуд.

Бо фармонҳои Президенти Ҷумҳурии Тоҷикистон Зоҳидзода Даврони Абдуқодир аз вазифаи раиси шаҳри Исфараи вилояти Суғд бо сабаби ба кори дигар гузаштан озод шуда, Расулзода Дилшод Ҷабборӣ иҷрокунандаи вазифаи раиси шаҳри Исфараи вилояти Суғд таъин гардид.

Арбобзода Қодир Нодир бо сабаби ба кори дигар гузаштан аз вазифаи раиси ноҳияи Зафарободи вилояти Суғд озод гардида, ба ҷойи ӯ Зиёзода Сулаймон Ризоӣ иҷрокунандаи вазифаи раиси ноҳияи Зафаробод таъин шуд.

Нозирӣ Зариф Вализода иҷрокунандаи вазифаи раиси ноҳияи Бобоҷон Ғафурови вилояти Суғд таъин гардида, Маннонзода Абдусамад бо сабаби ба кори дигар гузаштан аз ин вазифа озод шуд.

Салимзода Комил иҷрокунандаи вазифаи раиси ноҳияи Ҷаббор Расулови вилояти Суғд таъин шуда, Ҳакимзода Сангимуроди Дӯстмурод бо сабаби ба кори дигар гузаштан аз ин вазифа озод гардид.

Сайфуддинзода Маҳмадюнус Кабут иҷрокунандаи вазифаи раиси ноҳияи Панҷи вилояти Хатлон таъин гардид ва Таваккалзода Абдуҷон Шариф бо сабаби расидан ба синни нафақа аз ин вазифа озод шуд.

Раҷабзода Салоҳиддин иҷрокунандаи вазифаи раиси ноҳияи Ҷиликӯли вилояти Хатлон таъин шуда, Хуҷамурод Фазлиддин  бо сабаби расидан ба синни нафақа аз ин вазифа озод гардид.

Зарифзода Почохон Ҳабибулло  иҷрокунандаи вазифаи раиси ноҳияи Шӯроободи вилояти Хатлон таъин гардида, Икромзода Амирхон аз ин вазифа бо сабаби расидан ба синни нафақа озод шуд.

Бо фармонҳои Президенти Ҷумҳурии Тоҷикистон ҳамчунин як қатор тағйироти кадрӣ дар мақомоти судӣ амалӣ шуд.

Ҳамин тариқ, Розиқзода Хуршед раиси суди ноҳияи Рашт, Усмонзода Шоғуфрон муовини якуми раиси суди вилояти Бадахшон, Бурҳониён Маъруфҷон муовини якуми раиси суди ноҳияи Бобоҷон Ғафурови вилояти Суғд, Садриддинзода Насрулло муовини раиси суди ноҳияи Спитамени вилояти Суғд, Олимзода Улфат Розиқ судяи суди вилояти Хатлон, Одинаев Ҳусайн Нуруллоевич судяи суди иқтисодии вилояти Бадахшон, Холиқзода Абдуҳаким Абдуваҳоб судяи суди ноҳияи Рашт ва Бадалзода Маҳмуд Муҳаммадалӣ судяи суди ноҳияи Ҷиргатол таъин гардиданд.

Наботов Ҷумахон, ки то ин вақт сармуҳаррири рӯзномаи Садои Мардум буд, бо амри Президенти Ҷумҳурии Тоҷикистон машваратчии калон-сардори шуъбаи амнияти иттилоотӣ, пешгӯӣ ва робитаҳои байналмилалии дастгоҳи Шӯрои амнияти Ҷумҳурии Тоҷикистон таъин гардид.

Бо қарорҳои Ҳукумати Ҷумҳурии Тоҷикистон Назирӣ Латофат Қаҳор муовини вазири маориф ва илми Ҷумҳурии Тоҷикистон ва Арабзода Нуралӣ Сайвалӣ директори иҷроияи Маркази татбиқи лоиҳаҳои навсозии роҳҳо таъин шуданд.

Дар мувофиқа бо Президенти Ҷумҳурии Тоҷикистон як зумра тағйироти дигари кадрӣ дар Агентии назорати давлатии молиявӣ ва мубориза бо коррупсия ва мақомоти прокуратураю корҳои дохилӣ ба амал баромад.

Ба ин тартиб, Асозода Дороб Абдусалом прокурори вилояти Бадахшон Додоҷонов Умедҷон Муидинович сардори раёсати кадрҳои Агентии назорати давлатии молиявӣ ва мубориза бо коррупсия, Аваззода Шараф Тавар сардори раёсати амнияти дохилии Агентии назорати давлатии молиявӣ ва мубориза бо коррупсия  таъин гардиданд.

Ҳамчунин сардорони шуъбаҳои Вазорати корҳои дохилӣ дар шаҳру ноҳияҳои Ваҳдат, Зафарободи вилояти Суғд ва Фархори вилояти Хатлон иваз карда шуданд.

Январ 11, 2016 11:42

Хабарҳои дигари ин бахш

34299399055_2028ac6f19_zМаҷлиси Ҳукумати Ҷумҳурии Тоҷикистон
Касри миллатМубодилаи барқияҳои табрикии Президенти Ҷумҳурии Тоҷикистон Эмомалӣ Раҳмон ва Иҷрокунандаи вазифаи Президент — Сарвазири Ҷумҳурии Корея Хван Гё Ан
33415319894_37ab8bc5d0_zМулоқоти Пешвои миллат Эмомалӣ Раҳмон бо Фармондеҳи Фармондеҳии марказии Штатҳои Муттаҳидаи Америка генерал Ҷозеф Л. Вотел
Монголия 2Барқияи табрикии Президенти Монголия Тсахиагийн Элбегдорж ба Президенти Ҷумҳурии Тоҷикистон Эмомалӣ Раҳмон
Цахиагийн Элбэгдорж МонголияБарқияи табрикии Пешвои миллат Эмомалӣ Раҳмон ба Президенти Монголия Тсахиагийн Элбегдорж
Порошенко1Барқияи табрикии Президенти Украина Пётр Порошенко ба Президенти Ҷумҳурии Тоҷикистон Эмомалӣ Раҳмон
Пётр ПорошенкоБарқияи табрикии Пешвои миллат Эмомалӣ Раҳмон ба Президенти Украина Пётр Порошенко
33974750152_8cce637ac7_zТаъиноти кадрӣ дар сохтору воҳидҳои Вазорати корҳои дохилии Ҷумҳурии Тоҷикистон
33189680144_e3151b0e3a_zИштироки Пешвои миллат Эмомалӣ Раҳмон дар мулоқоти ғайрирасмии Сарони давлатҳои аъзои Созмони Аҳдномаи амнияти дастаҷамъӣ
Э. Рахмон-сомолётСафари кории Пешвои миллат Эмомалӣ Раҳмон ба шаҳри Бишкеки Ҷумҳурии Қирғизистон
Эмомали Рахмон и Пратибха МехтаМулоқоти Пешвои миллат Эмомалӣ Раҳмон бо Ҳамоҳангсози доимӣ, Роҳбари нави Барномаи рушди СММ дар Тоҷикистон хонум Пратибҳа Меҳта
Қабули эътимоднома аз 5 сафири нав 11.04.2017Қабули эътимоднома аз 5 сафири нав