ИА ба Тоҷикистон 251 млн. евро ҷудо мекунад

Февраль 17, 2016 09:32

Душанбе, 17.02.2016 (АМИТ «Ховар»).- Иттиҳоди Аврупо ва Ҷумҳурии Тоҷикистон ҷаласаи панҷуми Шӯрои ҳамкории худро 16 феврали соли 2016 баргузор намуданд. Зимни Шӯрои ҳамкорӣ Комиссияи Аврупо ваъдаи худро барои ҷудо намудани 251 млн евро ба Тоҷикистон чун маблағгузории нав барои рушди ин кишвар дар давраи солҳои 2014-2020 боз як бор таъкид кард. Маблағи мазкур асосан ба рушди деҳот, тандурустӣ ва маориф равона мешавад, зеро ин соҳаҳо барои рушди иқтисодӣ ва суботи иҷтимоӣ, хусусан дар шароити ҳозираи иқтисодии Осиёи Марказӣ ҳаётан муҳим мебошанд.
Инчунин дар ҷаласаи Шӯро тарафайн омодагии худро барои таҳкими муносибатҳои дуҷониба дар якчанд самти ҳамкорӣ бори дигар таъкид намуда, пешравии ҳамкориро аз замони ҷаласаи чоруми Шӯрои ҳамкорӣ миёни Иттиҳоди Аврупо ва Ҷумҳурии Тоҷикистон, ки моҳи октябри соли 2014 сурат гирифта буд, баррасӣ намуданд.
Шӯрои мазкур иҷрои ҳамаҷонибаи Стратегияи Иттиҳоди Аврупо нисбат ба Осиёи Марказиро чӣ дар сатҳи минтақавӣ ва чӣ дар сатҳи миллӣ зарур дониста, иштироки фаъолонаи Тоҷикистонро дар ташаббусҳои Иттиҳоди Аврупо дар минтақаи Осиёи Марказӣ бо хушнудӣ истиқбол намуд. Илова бар ин, вазъи иҷрои се ташаббуси муҳим марбут ба волоияти қонун, маориф, нигаҳдории муҳити зист ва инчунин масъалаҳои мутақобилан муҳим, ба монанди ислоҳоти сиёсӣ ва идора, волоияти қонун ва ҳуқуқи инсон, озодиҳои динӣ, равобити иқтисодиву тиҷоратӣ ва бехатарии сарҳадот мавриди баҳс қарор дода шуданд.
Шӯрои ҳамкорӣ рӯйдодҳои минтақавиро дар бахши энергетика, мушкилоту ситезаҳои марбут ба амният, аз ҷумла идораи сарҳадот ва ифротгароӣ баррасӣ намуд. Ҳифзи сулҳу субот дар Осиёи Марказӣ дар манфиати Тоҷикистону Иттиҳоди Аврупо аст ва тарафайн кӯшиш мекунанд, ки ҳамкориро дар ин самт зиёд намоянд.
Ҳайати Иттиҳоди Аврупоро дар ҷаласаи Шӯрои ҳамкорӣ вазири корҳои хориҷии Шоҳигарии Нидерланд Берт Кендерс раисӣ намуд, ҳайати Ҷумҳурии Тоҷикистонро вазири корҳои хориҷии Ҷумҳурии Тоҷикистон Сироҷидин Аслов сарварӣ карданд. Инчунин Сироҷидин Аслов бо намояндаи Олии Иттиҳоди Аврупо оид ба корҳои хориҷӣ ва сиёсати бехатарӣ хонум Моғеринӣ рӯзи сешанбеи 16 феврал мулоқот анҷом дод.

Февраль 17, 2016 09:32

Хабарҳои дигари ин бахш

Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд
Тоҷикистон ва Туркия муносибатҳои дуҷонибаро дар самтҳои сиёсӣ, иқтисодӣ ва сармоягузорӣ баррасӣ намуданд
Дар шаҳри Москва Наврӯзи байналмилалиро таҷлил намуданд