“Истиқлол” ва “Алфайсалӣ” ғалаба мехоҳанд

Февраль 22, 2016 15:49

Душанбе, 22.02.2016 (АМИТ «Ховар»). Имрӯз дар меҳмонхонаи “Dushanbe Hyatt regency” бо ширкати мураббиёну бозингарони дастаҳои “Истиқлол”-и Душанбе ва “Алфайсалӣ”-и Урдун нишасти матбуотӣ бо хабарнигорон баргузор шуд. Пеш аз сафар ба шаҳри Душанбе сармураббии дастаи “Алфайсалӣ” Ротиб Авдот бинобар сабаби хуб ҳунарнамоӣ накардани даста дар чор бозии охири премйер-Лигаи Урдун аз мансабаш сабукдӯш шуда, ба ҷои ӯ ёвараш Фарас Халил “Алфайсалӣ”-ро ба Душанбе овардааст.
Дар нишаст ӯ арз кард, ки дар бораи “Истиқлол” маълумоти кофӣ надорад ва пагоҳ бозингаронаш танҳо бо мақсади ғалаба ба майдон меоянд. Ду бозингари легионераш аз Бразилия ва Колумбия яке бо сабаби лат бардоштан ва дигаре барои омода набудан ба мавсим ба даста ҳамроҳ нашудаанд.
Дар ҳайати дастаи “Файсалӣ” панҷ нафар бозингар-Муҳаммад Шатнавӣ, Зайд Халил,Фавзи Маҳдӣ, Маҳмуд Ёсин ва Мӯсо Самӣ Баро узви тими мунтахаби Урдун мебошанд. Се нафар дар дастаи мунтахаби олимпии ин кишвар ҳунарнамоӣ мекунанд. Ягона легионерашон Муҳаммад Аррифоӣ аз Ҷумҳурии Сурияи Араб мебошад.
Сармураббии дастаи “Истиқлол” Мубин Эргашев боварӣ дорад, ки ҳайати нави даста, ки тақрибан 50 дар сад иваз шудааст, дар бозии нахустини гурӯҳи “Б” бо клуби “Алфайсалӣ” ба ғалаба комёб хоҳад шуд.
Бозингари тими “Истиқлол” Петро Ковалчук ва ҳамлагари “Алфайсалӣ” Маҳмуд Бакит ба суолҳои хабарнигорон ҷавоб гуфтанд.

Февраль 22, 2016 15:49

Хабарҳои дигари ин бахш

Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»