РРМГ бо розигии Президент таъйин мегарданд

Февраль 16, 2016 17:06

Душанбе, 16.02.2016.(АМИТ «Ховар»).-Вакилони палатаи поёнии Парлумони Тоҷикистон ба Кодекси гумруки Ҷумҳури Тоҷикистон тағйиру иловаҳо ворид намуданд. Тибқи тағйирот ба қисми 1-и моддаи 492-и Кодекси мазкур минбаъд роҳбарони раёсатҳои минтақавии гумрукӣ (РРМГ) бо розигии Президенти кишвар ба вазифа таъйин карда мешаванд. Тоҳир Ҷобирзода -вакили Маҷлиси намояндагон зимни шарҳи лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Кодекси гумруки Ҷумҳурии Тоҷикистон» дар назди вакилони Парлумон гуфт, ки лоиҳаи қонуни мазкур бо мақсади мутобиқ намудани Кодекси гумруки Ҷумҳурии Тоҷикистон ба қонунгузории Ҷумҳурии Тоҷикистон ва талаботи Созмони умумиҷаҳонии савдо таҳия шудааст. Тибқи ин тағйирот талаботи моддаи 4 -и Кодекси гумруки Ҷумҳурии Тоҷикистон ба Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» мутобиқ гардонида шуда, моддаи 4 дар таҳрири нав пешниҳод шудааст.
Т. Ҷобирзода афзуд, ки бо мақсади ба танзим даровардани фаъолияти мутахассисони барасмиятдарории гумрукӣ, моддаи 148 Кодекси гумруки Ҷумҳурии Тоҷикистон дар таҳрири нав пешниҳод гардида, мутобиқи он мақомоти гумрук тартиби бекор кардан, бозхондан ва боздоштани амали шаҳодатномаи мутахассиси барасмиятдарории гумрукиро муайян менамояд. Моддаи пешниҳодгардида ба талаботи Конвенсияи байналмилалӣ оид ба соддагардонӣ ва ҳамоҳангсозии расмиёти гумрукӣ (Киото), ки онро 1 октябри соли 2015 палатаи поёнии Парлумони кишвар ба тасвиб расонида буд, ҷавобгӯст.
Ҳамзамон бо мақсади иҷрои уҳдадориҳои Ҷумҳурии Тоҷикистон дар назди Созмони умумиҷаҳонии савдо моддаи 360 -и Кодекси гумруки Ҷумҳурии Тоҷикистон -усули эҳтиётии муайян намудани арзиши гумрукӣ дар таҳрири нав таҳия гардид.
Инчунин барои муайян ва дар амал татбиқ намудани тартиб ва тарзу усулҳои гузаронидани таҳлили хавфҳои коррупсионӣ дар мақомоти гумрук ба моддаи 462 Кодекси гумруки Ҷумҳурии Тоҷикистон банди 13 илова карда шуд.
Бо мақсади мутобиқ намудани талаботи Кодекси гумруки кишвар ба талаботи Кодекси андози Ҷумҳурии Тоҷикистон ба моддаи 394-и Кодекси гумрук қисми 8 ворид карда шуд, ки тибқи он мақомоти гумрук метавонад ба пардохткунанда дар муҳлати 5 сол аз рӯзи ба анҷом расидани баррасмиятдарории гумрукии мол оид ба пардохти маблағи боҷи гумрукӣ, андоз ва фоизҳо даъво пешниҳод кунад.

Февраль 16, 2016 17:06

Хабарҳои дигари ин бахш

Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор гардид