Тартиби рӯзи сарбоз. Он чӣ гуна бояд бошад?

Февраль 11, 2016 08:23

Душанбе, 11.02.2016. (АМИТ «Ховар»). —  Тартиби рӯз аз омилҳои самаранок гузаронидани вақт барои хизматчиёни ҳарбӣ ба шумор рафта, сарбозону афсарон аз рӯи тартиби муайянгардида дар қисму воҳидҳои низомӣ рӯзи худро мегузаронанд. Дар тамоми қисмҳои низомии мамлакат тартиб бо бархезии умумӣ оғоз гардида, афсарону сарбозон ба навъҳои гуногуни варзиши пагоҳирӯзӣ машғул шуда, ба саломатӣ ва пурқувватии хеш аҳамияти бештар зоҳир менамоянд.

Ин кори басе зарурист, зеро бе варзишу тарбияи ҷисмонӣ наметавон ояндаи солим дошта бошем. Сарбозону афсарони воҳидҳои низомӣ аз рӯи ҷадвали омӯзиш ба машғулиятҳои методӣ-таьлимӣ машғул шуда, ба наваскарон  тарз ва усули нигоҳ доштани яроқро меомӯзонанд.

Тамоми синфхонаҳои таълимӣ дар қисмҳои низомӣ бо шароити хуби замонавӣ таъмин шудаанд, ки сарбозону сержантон метавонанд дар вактҳои таъйиншуда аз ин синфхонаҳои компютерӣ истифода бурда, дониши худро сайқал диҳанд, зеро донистани техникаҳои замонавӣ ба ҳар яки онҳо шарт ва зарур мебошад.

Дар вақтҳои муайянгардида сарбозон бо омӯзиши яроқу аслиҳа ва сайқал додани тактикаи ҷангии хеш машғул шуда, машқҳои амалӣ мегузаронанд. Ин машғулиятҳо ба сарбозон имкон медиҳанд, ки донишҳои зарурии худро мукаммал гардонида, дар ҳолати омодабоши ҳамешагии ҷангӣ қарор дошта бошанд.

Бояд ёдовар шуд, ки дар китобхонаҳои сарбозон намунаи бештари китобу маҷмӯаҳо фароҳам оварда шудааст. Он имкон медиҳад, ки ҳайати шахсии қисми ҳарбӣ бо истифода аз он савияи донишҳои ҳарбӣ-сиёсӣ ва ахлоқиву ҳуқуқии хешро сайқал диҳанд. Дар баробари таълиму тадрис ва тамрини ҳамарӯза, инчунин ҳайати шахсии сарбозон дар вақтҳои холигии хеш ба соатҳои фароғатӣ фаро гирифта мешаванд, ки ин ҳам талаботи тартиби рӯз барои хизматчиёни ҳарбӣ мебошад.

Умуман дар тамоми воҳидҳои низомии Қувваҳои Мусаллаҳ сарбозону афсарон аз рӯйи тартиби рӯзи хизматчиёни ҳарбӣ фаъолияти хешро пеш бурда, бо интизоми баланди ҳарбӣ барои хизмати сарбаландона ба халқу Ватан омода мебошанд.

 

 

Февраль 11, 2016 08:23

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад