Шиносоии Пешвои миллат бо фаъолияти корхонаи коркарди меваи ҶДММ “Меваи Қанд”-и шаҳри Конибодом

Март 24, 2016 12:49

Душанбе, 24.03.2016 (АМИТ «Ховар»).- Дар доираи сафари кории худ ба вилояти Суғд, Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, бо фаъолияти корхонаи коркарди меваи хушки ҷамъияти дорои масъулияти маҳдуди Меваи қанди шаҳри Конибодом, ки аз ҷониби соҳибкори ватанӣ Ҳомид Ёқубов бунёд гардидааст, аз наздик шинос шуд.
Тавре ба Сарвари давлат Эмомалӣ Раҳмон иттилоъ доданд, корхона бо арзиши лоиҳавии наздики 3 миллион сомонӣ бунёд шуда, дар он анвои мухталифи меваи хушк, ба монанди зардолу, баргак, хушкмева, чормағзи заминӣ ва ғайра коркард мешавад.
Танҳо дар коргоҳи бандубасти меваи хушк 40 нафар сокини маҳаллӣ, ки асосан занону бонувони хонашин мебошанд, бо ҷойи кор ва маош таъмин гардидаанд. Дар сурати ба кор андохтани навбати дуюми коргоҳ, боз 30 нафари дигар бо кор таъмин карда мешавад.
Фаъолияти ин коргоҳ, аз марҳилаҳои шустушӯй сар карда, то ба навъҳо ҷудо намудану хушконидан ва бастабандии маҳсулот бо истифода аз технологияи муосир ба роҳ монда шудааст. Иқтидори Корхона дар як шабонарӯз метавонад то 5 тонна меваи хушкро коркрд намояд.
Роҳбарияти корхона талабот ба ин маҳсулотро дар бозорҳои кишварҳои хориҷ санҷида, дар оянда ҳамзамон содироти онро ба Русия ва дигра кишварҳо ба роҳ монданианд.
Соҳибкорони ватанӣ мақсад доранд, ҷиҳати таъмини бемайлони корхона бо маҳсулоти хом ва васеътар ба роҳ мондани фаъолияти он дар майдони 30 гектар боғи интенсивӣ бунёд намоянд.
Пешвои миллат Эмомалӣ Раҳмон барои таъсиси корхона ва нақшаҳои нав баҳри бунёди коргоҳҳои дигар, инчунин таъмини сокинон бо кор ба соҳибкорон барору муваффақият орзу намуд.

Март 24, 2016 12:49

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Тандиси биринҷии чеҳраи Пешвои миллат ба Сарвари давлат Эмомалӣ Раҳмон тақдим гардид
Сарвари давлат Эмомалӣ Раҳмон дар шаҳри Душанбе дар ҳамоиши наврӯзӣ – «Корвони шодӣ» иштирок намуданд
Суханронии Пешвои миллат Эмомалӣ Раҳмон дар маросими баргузории карнавали наврӯзии «Корвони шодӣ» дар шаҳри Душанбе
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия суҳбати телефонӣ анҷом доданд
Президенти Ҷумҳурии Тоҷикистон Эмомалӣ Раҳмон ба Президенти Федератсияи Русия Владимир Путин барқияи изҳори тасаллӣ ирсол намуданд
Як қатор сарони давлатҳо ба унвони Президенти Ҷумҳурии Тоҷикистон Эмомалӣ Раҳмон ба муносибати ҷашни Наврӯзи байналмилалӣ барқияҳои табрикӣ ирсол намуданд
Масъалаи зиёд намудани сармоягузорӣ ба татбиқи Неругоҳи барқи обии «Роғун» баррасӣ гардид
Паёми шодбошии Пешвои миллат Эмомалӣ Раҳмон ба ифтихори Наврӯзи соли 2024
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд