ВКД: Раддия ба хабари бархе аз сомонаҳо

Март 11, 2016 09:18

Душанбе, 11.03.2016. (АМИТ «Ховар»).- Бархе аз сомонаҳои шабакаи интернетӣ хабарҳои гӯё беасос дастгир намудани сокинони шаҳри Роғунро аз тарафи мақомоти корҳои дохилӣ ва дар ин замина ҷамъшавии пайвандону наздикони онҳо дар назди ШВКД дар ноҳияи Фирдавсӣ паҳн намудаанд.
Вазорати корҳои дохилӣ дар ин бора хабар медиҳад, ки ин гуна хабарҳо ягон асоси воқеӣ надоранд, чунки бе нишон додани сарчашмаи иттилоотӣ паҳн шудаанд.
Умуман бе сарчашмаи асоснок паҳн намудани ахбор аз тарафи воситаҳои ахбори омма дар ҷаҳони муосир қобили қабул нест.
Зикр намудан зарур аст, ки чанде аз сокинони шаҳри Роғун (ва на фақат аз ин шаҳр) барои шомилшавӣ ба гурӯҳҳои ифротгаро-экстремистӣ дастгир ва баъзе шахсон барои пурсиш ҳамчун шоҳид ба сохторҳои мақомоти корҳои дохилӣ даъват шудаанд.
Касе аз пайвандону наздикони онҳо дар назди ШВКД ноҳияи Фирдавсӣ ҷамъ наомадааст ва қонунгузории Ҷумҳурии Тоҷикистон чунин ҷамъшавии ғайриқонуниро манъ намудааст, ки инро мардум медонанд.
Бояд тазаккур дод, ки ҳама чораҳои андешидашуда аз тарафи мақомоти корҳои дохилӣ ва дигар мақомоти ҳифзи ҳуқуқ барои амнияти шаҳрвандон ва тинҷию осудагии мардуми Тоҷикистон равона гаштааст.

Март 11, 2016 09:18

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»