Ҷаласаи XVI Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ

Апрель 12, 2016 16:02

Душанбе, 12.04.2016. /АМИТ «Ховар»/. Имрӯз  таҳти раёсати Сарвазири Ҷумҳурии Тоҷикистон Қоҳир Расулзода  ҷаласаи шонздаҳуми Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ баргузор гардид.

Зимни  баррасии  масъалаи  якуми ҷаласа дар бораи иҷрои қарорҳои ҷаласаи 15-уми Шӯрои машваратӣ Котиби масъули Шӯро, Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Қодири Қосим таъкид кард, ки  дар  доираи  иҷрои қарорҳои  ҷаласаи понздаҳуми  Шӯро  “Рӯзи соҳибкор” ва   Форуми байналмилалии соҳибкории Душанбе-2015 бо иштироки бевоситаи Асосгузори сулҳу Ваҳдати миллӣ, Пешвои Миллат,  Президенти Ҷумҳурии Тоҷикистон  муҳтарам  Эмомалӣ  Раҳмон баргузор шуда, як қатор тадбирҳои муҳими дигар  дар роҳи беҳтар намудани соҳибкорӣ ва сармоягузорӣ дар соҳаҳои афзалиятнок амалӣ гардидаанд.

Доир ба масъалаҳои дигари рӯзномаи ҷаласаи Шӯро, аз ҷумла  муаррифии лоиҳа ва натиҷаҳои таҳлили Нақшаи чорабиниҳо оид ба беҳтар намудани фазои сармоягузорӣ дар бахши кишоварзӣ ва рушди тиҷорати аграрӣ, натиҷаҳои таҳлили пешакии мушкилиҳои низоми андозбандӣ ва роҳҳои ҳалли онҳо ҳамчунин роҳбарони вазоратҳои кишоварзӣ, рушди иқтисод ва савдо, намояндагони бахши хусусӣ ва шарикони рушд гузориш доданд.

Барои баррасӣ дар ҷаласаи навбатӣ  масъалаи  беҳтар  намудани фазои сармоягузориву соҳибкорӣ дар соҳаи  нақлиёт  пешниҳод  карда  шуд, ки  аз  ҷониби аъзои Шӯро дастгирӣ ёфт.

Дар  хотимаи  кори  ҷаласаи 16-уми Шӯрои  машваратии  назди Президенти Ҷумҳурии Тоҷикистон оид ба беҳтар намудани фазои сармоягузорӣ Сарвазири мамлакат  Қоҳир Расулзода аъзои Шӯрои машваратӣ, роҳбарони вазорату идораҳо, намояндагони бахши хусусӣ ва дигар масъулони дахлдорро  барои  иҷрои саривақтии  нақшаю чорабиниҳо ва қарору тавсияҳои ҷаласаи навбатии Шӯро вазифадор намуд.

Апрель 12, 2016 16:02

Хабарҳои дигари ин бахш

Пахтакорони ноҳияи Ҷаббор Расулов дар майдони зиёда аз 5 ҳазор гектар кишти чигит мегузаронанд
Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд