АНМН: Мубориза бар зидди гардиши ғайриқонунии маводи мухаддир — ҷузъи мубориза бо терроризм ва ифротгароӣ

Апрель 12, 2016 16:07

Душанбе, 12.04.2016 /АМИТ «Ховар/. Дар Душанбе мулоқоти директори Агентии назорати маводи нашъаовар (АНМН)-и назди Президенти ҶТ Шерхон Салимзода бо ҳайати намояндагони ИМА таҳти роҳбарии Сафири ИМА дар Тоҷикистон хонум Элизабет Инга Миллард баргузор гардид.
Бино ба иттилои маркази матбуоти АНМН, Ш. Салимзода меҳмононро бо вазъи маводи нашъаовар дар Тоҷикистон ва ҳамкорӣ бо мақомоти ҳифзи ҳуқуқи минтақа ва ҷаҳон шинос кард.
Ӯ зикр намуд, ки дар чорчӯбаи ҳамкорӣ бо Ҳукумати ИМА дар ноҳияҳои Ишкошим ва Мурғоби ВМКБ ду шуъбаи АНМН бунёд шуда, дар ноҳияҳои Лахш ва Дарвоз ду шуъбаи нав ифтитоҳ гардиданд ва инчунин бинои нави Шуъбаи махсусгардонидаи Раёсати фаврӣ-ҷустуҷӯии Агентӣ ба истифода дода шуд.
Директори Агентӣ зикр намуд, ки бино ба Паёми Асосгузори сулҳу Ваҳдати миллӣ, Пешвои миллат, Президенти ҶТ муҳтарам Эмомалӣ Раҳмон ба Маҷлиси Олӣ мубориза бар зидди гардиши ғайриқонунии маводи мухаддир ҷузъи мубориза бо терроризм ва ифротгароӣ маҳсуб мешавад, чунки истифодаи маводи нашъадор барои генофонди миллӣ таҳдиди воқеӣ эҷод менамояд.
Сафири ИМА оид ба тавсеаи ҳамкории минбаъда бо АНМН ва дигар мақомоти ҳифзи ҳуқуқи Тоҷикистон изҳори умед намуд.
Зимни вохӯрӣ масъалаҳои ҳамкории дуҷониба байни Агентӣ ва Сафорати ИМА дар Тоҷикистон дар масоили назорати маводи нашъаовар ва дурнамои рушди он муҳокима гардиданд.

Апрель 12, 2016 16:07

Хабарҳои дигари ин бахш

Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт