СҶТ: Тоҷикистон аз ҷиҳати суръати рушди туризм дар дунё ҷои дуюмро соҳиб шуд

Апрель 29, 2016 12:07

Душанбе, 29.04.2016 /АМИТ Ховар/. Бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон 5 майи соли равон дар  Китобхонаи миллии Тоҷикистон дар заминаи оғози мавсими нави туристӣ таҳти унвони «Имкониятҳои рушди туризм дар Ҷумҳурии Тоҷикистон» бо иштироки намояндагони вазорату идораҳои дахлдори ҷумҳурӣ, ширкатҳои туристии ватанӣ ва муассисаҳои олии таълимӣ ва миёнаи махсуси мамлакат, ки дар риштаи туризм мутахассис омода менамоянд, конфронси миллии туристӣ баргузор мешавад.
Тавре ки аз Кумитаи ҷавонон, варзиш ва сайёҳӣ хабар доданд, ҳадафи аслии конфронс муаррифии имкониятҳои туристии Тоҷикистон, омӯзиши иқтидори он, беҳтар сохтани фаҳмиши ҷомеа ҷиҳати самаранок истифода бурдани инфрасохтори мавҷуда ва баррасии имкониятҳои қабул ва хизматрасонӣ ба сайёҳон дар соли 2016 мебошад.
Ин ҳам дар ҳолест, ки Созмони ҷаҳонии туристӣ, ки як ниҳоди вобаста ба СММ мебошад, дар як гузориши тозаи худ дар асоси таҳлилҳои соли 2015 Тоҷикистон, Парагвай — кишвари Амрикои ҷанубӣ ва Ниуэ, кишвари шоҳигарии Зеландияи Навро се кишваре донистааст, ки сайёҳӣ дар онҳо бо суръати хеле баланд рушд мекунад.
Тоҷикистон аз нигоҳи рушди сайёҳӣ дар миёни ин се кишвар дар ҷои дуввум қарор дорад. Дар  гузориш омадааст, ки соли 2015 ба Тоҷикистон 414 ҳазор сайёҳ ворид шудаанд, ки дар қиёс ба соли гузашта 94 дарсад бештар аст.
Ин созмони бонуфузи ҷаҳонӣ далелҳои таваҷҷуҳи сайёҳон ба ин кишварро дар кӯҳҳои сарбафалак, табиати биҳиштосо ва мероси бойи таърихию фарҳангӣ донистааст.

Апрель 29, 2016 12:07

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт