Гурӯҳҳое ҳастанд, ки хостори ворид намудани халал дар муносиботи Тоҷикистон ва Русия мебошанд
Душанбе, 19.05.2016/АМИТ Ховар/. Ҳастанд шахсон ва гурӯҳҳое, ки хостори ворид кардани халал дар муносиботи дӯстонаи Тоҷикистон ва Русия мебошанд. Ин матлабро Шукурҷон Зуҳуров -Раиси Маҷлиси намояндагони Маҷлиси Олии Ҷумҳурии Тоҷикистон дар мулоқот бо Валентина Матвиенко, Раиси Шӯрои Федератсияи Маҷлиси Федералии Федератсияи Русия, ки дар шаҳри Санкт-Петурбург доир гардид, иброз дошт.
Шукурҷон Зуҳуров аз қазияи оромгоҳи Хованскии шаҳри Маскав, ки боиси ба ҳалокат расидани се шаҳрванди Тоҷикистон ва захмӣ шудани 23 нафар шаҳрвандон гардид, изҳори таассуф ва нигаронӣ карда, аз ҳамтои русаш хостори ҳалли мунсифонаи ин қазия шуд. Ш. Зуҳуров аз Валентина Матвиенко тақозо кард, ки барои дастгир ва ба ҷавобгарии ҷиноятӣ кашидани қотилон ва ҳомиёну фармоишгарони ин ҳодиса аз тариқи кумита ва комиссияҳои дахлдори Шӯрои Федератсия назорати ҷиддӣ ба роҳ монда шавад.
Шукурҷон Зуҳуров ҳамчунин иброз намуд, ки ҳодисаи рухдода ба вазъи будубоши шаҳрвандони Тоҷикистон таъсири манфи мерасонад. Чун анъана баъд аз рух додани ҳодисаҳои марбут ба муҳоҷирон, мақомоти ҳифзи ҳуқуқи Русия фишорро болои муҳоҷирони меҳнатӣ пурзӯр менамоянд. Дар айни замон тавассути васоити ахбори оммаи Русия аз ҷониби бархе сиёсатмадорон, аъзои Шӯрои Федератсия ва вакилони Думаи давлатии Русия мисли ҳарвақта пешниҳодҳои ворид кардани раводид бо Тоҷикистон ва берун кардани муҳоҷирони меҳнатӣ аз қаламрави Русия садо дода истодаанд. Аз ҷумла, муовини раиси Кумитаи Шӯрои Федератсия оид ба мудофиа ва амният Евгений Серебренников чунин пешниҳод намуд.
Чунин ҳолат тафаккури оммаро бар зидди муҳоҷирон ташаккул дода, заминаро барои хориҷ кардани шаҳрвандони мо бидуни асосҳои қонунӣ фароҳам меоварад.
Аммо тавре агентии Sputnik 18 май иттилоъ дод, дар яке аз мусоҳибаҳояш Валентина Матвиенко, Раиси Шӯрои Федератсияи Маҷлиси Федералии Федератсияи Русия изҳор намудааст, ки чунин пешниҳод қобили қабул ва арзандаи баррасӣ нест.
Ба андешаи Матвиенко, ба ҳодисаи оромгоҳи Хованск муҳоҷирин не, балки гурӯҳҳои ҷиноятпешаи пойтахти Русия сабабгоранд.
Намояндаи Тоҷикистон дар чорабинии сатҳи баланди Маҷмаи Умумии СММ оид ба нақлиёти устувор иштирок намуд
Президенти Ҷумҳурии Узбекистон бо Сарвазири Ҷумҳурии Тоҷикистон мулоқот намуд
Тоҷикистон бо Маркази байналмилалии савдо рақамикунонии соҳаҳои иқтисодӣ ва инноватсияро баррасӣ намуд
Ҳайати Тоҷикистон дар ҷаласаи ҳаштуми вазирони маорифи давлатҳои аъзои Созмони ҳамкории Шанхай иштирок намуд
Президенти Тоҷикистон: «Аҳднома оид ба ҳампаймонӣ муносибатҳои Тоҷикистону Узбекистонро ба сатҳи сифатан нав мебарорад»
Донишҷӯёни тоҷике, ки дар Русия таҳсил доранд, даъват шуданд, ки илм омӯзанд
Президенти Ҷумҳурии Узбекистон Шавкат Мирзиёев дар пояи муҷассамаи Исмоили Сомонӣ гулчанбар гузошт
Намояндаи Тоҷикистон дар машваратҳои ғайрирасмӣ дар сатҳи сафирон оид ба Саммити Оянда иштирок намуд
Давлатшоҳ Гулмаҳмадзода дар ҳамоиш бахшида ба раёсати Қазоқистон дар Созмони Ҳамкории Шанхай иштирок намуд
Ҷавонон дар сиёсати пешгирифтаи Ҳукумати Тоҷикистон ҷойгоҳи афзалиятнок доранд
Дар Ашқобод ҳамкории Тоҷикистон бо Маркази минтақавии СММ оид ба дипломатияи пешгирикунанда баррасӣ шуд
Дар Женева тақвияти ҳамкории Тоҷикистон бо Маркази байналмилалии савдо баррасӣ гардид
