Иҷрои пеш аз муҳлати нақшаи даъват ба Қувваҳои мусаллаҳ

Май 27, 2016 13:35

Душанбе, 27.05.2016. /АМИТ «Ховар»/. Субҳи имрӯз, 27 май тамоми мақомоти масъули вобастаи давлатии давлат дар ҳама шаҳру навоҳии кишвар  аз иҷрои пурраи нақшаи даъват дар Ҷумҳурии Тоҷикистон  гузориш доданд.
Тавре ки котиби матбуотии Вазорати мудофиаи Ҷумҳурии Тоҷикистон  Фаридун Маҳмадализода  ба АМИТ «Ховар иттилоъ дод, дар асоси фармони Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1989-1998 Ҷумҳурии Тоҷикистон ба хизмати ҳарбӣ ва тибқи талаботи Қонуни Ҷумҳурии Тоҷикистон Дар бораи уҳдадории умумии ҳарбӣ ва хизмати ҳарбӣ аз якуми апрели соли 2016 дар ҳама шаҳру навоҳии мамлакат даъвати баҳории шаҳрвандон ба хизмати ҳатмии ҳарбӣ оғоз гардида буд.
«Даъвати баҳорӣ беш аз 50 рӯз идома ёфт.  Дар давоми беш аз як моҳи ҷараёни ин маъракаи муҳими сиёсӣ, иҷрои нақшаи даъвати шаҳрвандон ба хизмати ҳатмии ҳарбӣ дар қаламрави ҷумҳурӣ 80 фоизро ташкил дода буд. Шаҳру  навоҳии мамлакат нақшаи ба онҳо пешбинишударо пурра ба анҷом расонидаанд. Дар миёни гарнизонҳои ҷумҳурӣ дар як моҳи аввал шаҳру ноҳияҳои вилояти Хатлон нисбат ба дигар минтақаҳо пешсаф буда, иҷрои нақша дар ин вилоят ба 94 фоиз баробар мебошад. Ин нишондод дар Вилояти Мухтори Кӯҳистони Бадахшон 87 фоизро ташкил дода буд»,-иброз дошт Ф.маҳмадализода.
Дар баробари шаҳрвандон ҳамзамон сарбозоне, ки муҳлати муайяншудаи хизмати ҳатмии ҳарбиро дар қисму воҳидҳои низомии қувваҳои мусаллаҳ пурра ба анҷом расониданд, ба тадриҷ ба эҳтиёт рухсат карда шуданд. «Дар  айни ҳол масоили қабул ва ҷобаҷокунии наваскарон ва омӯзиши онҳо дар курсҳои  кӯтоҳмуддати омодагии ҳарбӣ ҷараён дорад. Дар баъзе қисму воҳидҳои ҳарбӣ аллакай чунин курсҳо ба анҷом расидаанд ва наваскарон ба ҳайси сарбозони комилҳуқуқи Қувваҳои мусаллаҳ ба иҷрои вазифаҳои пурмасъули хизматӣ шурӯъ намудаанд»,-илова кард котиби матбуотии вазорат.

Май 27, 2016 13:35

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд