Мушовирони хориҷӣ: раъйпурсӣ дар Хуҷанд дар сатҳи хуби демократӣ ҷараён гирифт

Май 22, 2016 18:52

Хуҷанд, 22.05.2016. /АМИТ  «Ховар»/. 22 май дар маркази вилояти Суғд- шаҳри Хуҷанд чун дар дигар манотиқи кишвар аз субҳи барвақт, ҷараёни баргузории раъйпурсии умумихалқӣ дар ҳамаи 64 участкаи раъйдиҳӣ дар сатҳи баланд ҷараён гирифт. Он рӯз дар катори дигар раъйдиҳандагон раиси шаҳри Хуҷанд Шарифзода Шариф Файз низ ба участкаи раъйдиҳии интихоботии №12, ки дар бинои иттифоқи касабаи вилоятӣ ҷойгир аст, омада, раъйи худро ба ҷонибдории ворид намудани тағйироту иловаҳо ба Конститутсияи Ҷумҳурии Тоҷикистон дода, баён дошт, ки зарурати ворид намудани тағйиру иловаҳо ба Конститутсияи Ҷумҳурии Тоҷикистон чун талаби замон буда, он ба демократикунонии ҷомеа дар оянда равона карда шудааст.
Он рӯз дар ҷараёни раъйпурсӣ дар қатори мушовирони дохилӣ, ҳамчунин мушовирон аз мамлакатҳои хориҷӣ, чун Федератсияи Русия, ҷумҳуриҳои Қазоқистону Қирғизистон низ иштирок дошта,  сатҳи баланди баргузорӣ ва иштироки фаъоли сокинонро таъкид доштанд. Аз ҷумла, мушовирони хориҷӣ аз участкаҳои раъйдиҳии №№6,26, ва 16 дидан намуда, ба баргузории чорабинии мазкур ва ташкили он баҳои баланд доданд.
Тавре ки ба саволи хабарнигори агентии «Ховар» Худойқул Акабай, мушовири байналхалқӣ аз ИДМ, роҳбари бахши вилоятии маркази этнофарҳангии Қазокистони Ҷанубӣ доир ба баргузории раъйпурсӣ баён дошт, ки сараввал ба меҳмоннавозии мардуми тоҷик изҳори сипос менамоям, зеро бисёр ҳам дар сатҳи баланд моро пазироӣ намуданд. Ҳамчунин доир  раъйпурсӣ мехостам изҳор намоям, ки ҷараёни овоздиҳӣ дар маъракаи имрӯза дар сатҳи баланди ташкилӣ ва масъулиятшиносии сокинони шаҳр доир гашта истода, то ин дам аз ҷониби мо ягон камбудӣ муайян карда нашудааст. Сокинон бо талабу хоҳиши худ ба участкаҳои раъпурсӣ омада, раъйи худро баён дошта истодаанд. Ҳамчунин умед дорем бо ворид намоии тағйиру иловаҳо ба Конститутсияи кишвар он як таконе баҳри рушди кишвар бошад.
Ҳамсуҳбати дигарамон мушовири байналхалқӣ аз ИДМ, ҷонишини акими ноҳияи Махтар, вилояти Қазоқистони Ҷанубӣ Алтин Ишанқулова аз сатҳи баланди раъйдиҳии на танҳо калонсонлон, балки ҷавонон дар участкаи №26  низ ёдрас шуда, баён дошт, ки ҷараёни раъйпурсӣ тибқи қонунгузории Ҷумҳурии Тоҷикистон оид ба интихобот ва раъйпурсӣ кушоду озодона ҷараён дошта, то ин дам ягон нуқсон зимни баргузории он аз ҷониби мушовирон муайян нашудааст ва аз фурсат истифода бурда, ба мардуми Тоҷикистон ободиву осоиштагӣ, рушди баланди иқтисодиву иҷтимооиро таманно намуд.
Ҳамчунин он рӯз баҳри болидахотирии сокинони шаҳр аз ҷониби масъулини мақомоти шаҳрӣ сайругашти оммавӣ ва барномаи калони рангини консертӣ дар Боғи марказии фарҳангию фароғатии  ба номи К. Хуҷандӣ  ва  Наврӯзгоҳ бо иштироки устодони санъат, ҳунармандони шинохтаи вилоят ва гурӯҳҳои ҳунарию  рақсӣ, чун  ансамблҳои   «Нури  Хуҷанд» ва гурӯҳи рақсии  «Парниён»  ташкил карда шуд.
Дар умум  то соати  18 00  дар шаҳри Хуҷанд 95 ҳазору 718 нафар раъйи худро  доданд, ки он баробари   93,1%  буда, бозгӯи гуфтаҳои болоианд.
Ба иттилои масъулин шумораи умумии раъйдиҳандагон дар Хуҷандшаҳр 102 ҳазору 811 нафарро ташкил дода, аз он 2.504 нафар бори аввал дар чунин маъракаи сиёсӣ ширкат намуданд.

Май 22, 2016 18:52

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт