Паҳлавони тоҷик Ҳамроз Раҷабов чемпиони Осиё оид ба самбо шуд!

Май 29, 2016 13:25

Душанбе, 29.05.2016 /АМИТ «Ховар»/. Паҳлавони тоҷик Ҳамроз Раҷабов дар Чемпионати Осиё оид ба самбо дар пойтахти Туркманистон шаҳри Ашқобод медали тилло ба даст овард.

Ҳамроз Раҷабов дар рӯзи дувуми чемпионат, 28 май, дар сабқати самбои варзишӣ миёни мардон дар вазни то 74 кило дар қувваозмоии ниҳоӣ бар гӯштингири қирғиз Урмат Мабетжан Уулу пирӯз шуд.

Дар рӯзи аввали мусобиқот, 27 май, варзишгарони тоҷик ду медали биринҷӣ ба даст оварданд. Нозила Каримова дар сабқати самбои варзишӣ миёни духтарон дар вазни то 56 кг мақоми севумро касб кард. Дар ин вазн Валерия Сякова (Узбекистон) мақоми аввал ва Меҳрубон Қурбонова (Туркманистон) мақоми севумро соҳиб шуданд.

Намояндаи дигари Тоҷикистон Дилбар Султонова дар сабқати самбои варзишӣ дар вазни то 72 кило мақоми сеюмро соҳиб шуд. Нилуфар Давлатова (Узбекистон) ҳам ҷои сеюмро гирифт. Дар ин вазн Зере Бехтошқизӣ (Қазоқистон) дар қувваозмоии ниҳоӣ бар Гавҳар Атдаева (Туркманистон) ғолиб омад.

Ёдовар мешавем, ки  мутахассиси варзидаи тоҷик Маҳмуд Абдуллоев  сардовари (рефери) ин мусобиқоти пурнуфузи қитъавӣ таъин шудааст. Ӯ раиси комиссиюни доварони Иттиҳоди самбои Осиё мебошад.

Чемпионати Осиё оид ба самбо, ки бори нахуст дар пойтахти Туркманистон доир шудааст,  санҷишест пеш аз Бозиҳои V осиёӣ дар иншооти сарпӯшида ва ҳунарҳои размӣ, ки моҳи сентябри соли 2017 дар Ашқобод баргузор мешаванд. Ба барномаи ин Бозиҳо самбо низ шомил шудааст.

Дар Чемпионати Осиё оид ба самбои варзишӣ ва самбои размӣ миёни наврасону ҷавонон, бузургсолон ва занон, ки имрӯз, 29 май ба анҷом мерасад,  ҳудуди 400 варзишгар аз 17 кишвари қора ширкат доранд.

 

 

Май 29, 2016 13:25

Хабарҳои дигари ин бахш

Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд