«Тоҷикагролизинг» ба ҷумҳурӣ 27 адад комбайни ғалладарави тамғаи «Нива-Эффект», Палессе GS812, «CLAAS-ро ворид кард

Май 28, 2016 10:18

Душанбе, 28.05.2016 /АМИТ «Ховар»/. Корхонаи воҳиди давлатии ҷумҳуриявии «Тоҷикагролизинг» бо мақсади самаранок истифода намудани заминҳои корам, беталаф ҷамъоварӣ намудани зироати ғалладонагӣ ва сари вақт гузаронидани кишти такрорӣ бо Ҷамъияти саҳомии заводи механикии Бузулук-и Ҷумҳурии Беларус барои харидории 10 адад комбайни ғалладарави тамғаи Палессе GS812 бо коҳҷамъкунак, доси 5 метра, қувваи муҳаррикаш 230 қувваи асп, бо нархи 69 ҳазор доллари амрикоӣ ва бо ҶДММ  Заводи комбайни Ростселмаш-и Федератсияи Русия барои харидории 10 адад комбайни ғалладарави тамғаи Нива-Эффект бо коҳҷамъкунак, доси 4,1 метраи қувваи муҳаррикаш 155 қувваи асп  бо нархи 65 ҳазор доллари амрикоӣ шартнома баста буд, ки тибқи он заводҳои истеҳсолкунанда то оғози мавсими дарави зироатҳои ғалладонагӣ комбайнҳои мазкурро бояд ба ҷумҳурӣ ворид менамуданд.
Тибқи иттилои сардори маркази матбуоти КВДҶ Тоҷикагролизинг Ибодулло Оқилпур аввалин комбайнҳо чанде пеш ба ҷумҳурӣ ворид карда шуданд. Ҳоло 10 адад комбайни тамғаи  Нива-Эффект истеҳсоли Федератсияи Русия ба анбори корхона ворид гардида, 10 адад комбайнҳои тамғаи Палессе GS812, истеҳсоли Ҷумҳурии Беларус рўзҳои наздик ба ҷумҳурӣ ворид карда мешаванд.
Мавриди зикр аст, ки мувофиқи шартнома Заводи комбайни Ростселмаш ба мо бояд 10 адад комбайни тамғаиНива-Эффект медод. Бинобар сабаби он ки талабот ба ин навъи комбайнҳо зиёд аст, мо аз намояндагони заводи мазкур хоҳиш намудем, ки иловатан боз 5 адад аз ин комбайнҳоро ба ҷумҳурӣ ворид намоянд. Ҳоло 5 адад комбайни мазкур дар фурўши озод гузошта шуда, аллакай сетои он соҳибонашонро пайдо намудаанд. Муҳлати шартномаи фурўши онҳо як сол пешбинӣ шудааст,- илова намуд манбаъ.
Бар иловаи комбайнҳои мазкур роҳбарияти корхона аз намояндагии Ширкати Агролис-и Давлати Олмон 2 адад комбайнҳои тамғаи  «CLAAS-ро ба ҷумҳурӣ ворид намуданд, ки яктои он дар ноҳияи Фархор ба дарави ғалла машғул буда, дуввумӣ дар шаҳри Турсунзода омодаи кор мебошад.
Тақсимоти комбайнҳои ғалладарави Палессе GS812 ва Нива-Эффект тибқи супориши Ҳукумати Ҷумҳурии Тоҷикистон ва дар мувофиқа бо Мақомоти иҷроияи ҳокимияти давлатии вилоятҳои Хатлону Суғд сурат гирифта,  хоҷагиҳои деҳқонии  ноҳияҳои Восеъ, Данғара ва Муъминобод бо КВДҶ Тоҷикагролизинг аллакай шартнома баста, комбайнҳоро харидорӣ намудаанд.

Май 28, 2016 10:18

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад