Дар Маскав ҷаласаи Шӯрои вазирони мудофиаи кишварҳои иштирокдори ИДМ баргузор мешавад

Июнь 11, 2016 11:48

Душанбе, 11.06.2016 /АМИТ «Ховар»/. 15 июн дар Маскав ҷаласаи Шӯрои вазирони мудофиаи кишварҳои иштирокдори Иттиҳоди Давлатҳои Мустақил /ИДМ/ баргузор мегардад. Дар ин бора хадамоти матбуоти Кумитаи иҷроияи ИДМ хабар дод.
Дар кори Шӯро раиси Кумитаи иҷроия — Котиби иҷроияи ИДМ Сергей Лебедев иштирок менамояд.
Интизор меравад, ки дар ҷаласа масоили татбиқи Консепсияи ҳамкории ҳарбии кишварҳои иштирокдори ИДМ то соли 2020, таҳияи лоиҳаи Консепсияи мудофиаи ҳавоӣ-кайҳонии кишварҳои иштирокдори ИДМ ва омодагию баргузории Бозиҳои байналмилалии ҳарбӣ  2016 матраҳ гарданд.
Аъзои Шӯро фаъолияти Кумитаи ҳамоҳангсозӣ оид ба масоили таълими ҳарбии назди Шӯрои вазирони мудофиаи ИДМ ва ҳамкории хадамоти ҳифзи сирри (асрори)  давлатии Қувваҳои мусаллаҳи кишварҳои Иттиҳодро муҳокима мекунанд.
Интизор меравад, ки дар ҷаласа ҳамчунин фаъолияти муштараки Қувваҳои мусаллаҳи кишварҳои иштирокдори ИДМ барои соли 2017 ва тадбирҳо оид ба рушди ҳамкории сохторҳои мудофиавӣ дар бахши назорат ва арзёбии муҳити радиологӣ, кимиёӣ ва биологӣ ба нақша гирифта шаванд.
Ба заминаи ҳуқуқии ИДМ оид ба ҳамкорӣ дар соҳаи ҳарбӣ ва вазъи бехатарии парвозҳои ҳавопаймоҳои Қувваҳои мусаллаҳ дар соли 2015 баҳо дода мешавад.
Илова бар ин, аъзои Шӯро санадҳои танзимкунандаи фаъолияти Кумитаи сардорони ситодҳои Қувваҳои мусаллаҳи кишварҳои иштирокдори ИДМ ва рушди намудҳои варзиши ҳарбӣ-амалиро дар Қувваҳои мусаллаҳ то соли 2020 қабул мекунанд.
Дар ҷаласа ҳамчунин як зумра қарорҳо оид ба масоили молиявӣ ва кадрӣ қабул карда мешаванд.

Июнь 11, 2016 11:48

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»