Нашри маводи конфронси «Нақши ВАО дар таҳкими Ваҳдати миллӣ» ва даъвати хабарнигорон барои омӯзиш дар Академияи ВАО

Июнь 29, 2016 12:05

Хоруғ, 29.06.2016 /АМИТ «Ховар»/. Нашриёти Вазорати маориф ва илми Ҷумҳурии Тоҷикистон маводи конфронсеро, ки 12 маи соли равон дар шаҳри Хоруғ таҳти унвони «Нақши ВАО дар таҳкими Ваҳдати миллӣ» баргузор гардид, ба нашр расонд.
Раиси Иттифоқи журналистони Тоҷикистон Зинатуллоҳ Исмоилзода зимни мулоқот бо гурӯҳе аз хабарнигорони идораи радио ва телевизиони ВМКБ ин дастурамалро ба онҳо тақдим карда, гуфт, ки аксарияти маводи нашршуда ба мавзӯъҳои хеле муҳими ҷомеаи муосир бахшида шудааст ва аз манфиат холӣ нахоҳад буд. Яке аз проблемаҳои ҷомеаи журналистӣ дар замони муосир, ин такмили ихтисос ва бозомӯзии кормандони ВАО мебошад. Бо ин мақсад соли равон Муассисаи давлатии Академияи ВАО-и Тоҷикистон ташкил ёфт ва минбаъд мутобиқи ҷадвал кормандони расонаҳои марказӣ ва минтақавӣ ба омӯзиш ҷалб карда мешаванд.
Шароити феълӣ аз мо тақозо мекунад, ки ҳар як хабарнигор бо шеваи кори чандрасонаӣ шиносоӣ дошта бошад ва дар як вақт ҳам барои расонаҳои тасвирию савтӣ ва ҳам ҷопӣ мавод таҳия карда тавонад.
Ба гуфтаи Зинатуллоҳ Исмоилзода, замони имрӯза замони ҷомеаи иттилоотӣ аст, ки дар он авлавиятро равандҳои иттилоотӣ фаро мегиранд ва ҳар касе аз он дур монд, ба буҳрон мувоҷеҳ мегардад.
Раиси Иттифоқи журналистони Тоҷикистон гуфт, ки баъди бозгашт ба пойтахти кишвар чанд нафар аз кормандони эҷодию техникии телевизиони Бадахшонро барои омӯзиш даъват хоҳанд кард.

Июнь 29, 2016 12:05

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт