«Шинохти Садриддин Айнӣ дар даврони Истиқлолияти давлатӣ» — мавзӯи маҳфили адабиётшиносон

Июнь 30, 2016 15:35

Душанбе, 30.06.2016 /АМИТ «Ховар»/.  Имрӯз дар Душанбе бо иштироки олимон, донишмандону муҳаққиқони таъриху адабиёт зери унвони «Шинохти Садриддин Айнӣ дар даврони Истиқлолияти давлатӣ» мафҳили навбатии «Гуфтугӯи тамаддунҳо» баргузор мегардад. Ҷамолиддин Саидзода, ходими калони илмии Институти забон, адабиёт, шарқшиносӣ ва мероси хаттии ба номи Рӯдакии Академияи илмҳои Тоҷикистон бо маърӯзаи илмӣ оид ба  корҳои илмӣ-таҳқиқотӣ, ки давоми солҳои истиқлолияти давлатӣ ба осори гаронбаҳои Садриддин Айнӣ бахшида шудаанд, баромад мекунад.
Садриддин Айнӣ, ходими шинохтаи илму адаби тоҷик 15 апрели соли 1878 дар деҳаи Соктареи тумани Ғиждувони Бухоро таваллуд шуда, соли 1954 дар шаҳри Душанбе аз олам гузаштааст. Муаллифи нахустин маҷмӯаи «Намунаи адабиёти тоҷик» ва осори адабии «Одина», «Дохунда», «Ғуломон», «Марги судхӯр» ва «Ёддоштҳо» мебошад. Бо талошҳои бевоситаи С.Айнӣ Академияи илмҳои Тоҷикистон ташкил шуда, ҳамчун академик ва президенти нахустини он масъулияти роҳандозии омӯзиш ва таълими академикии илмро дар Тоҷикистон   иҷро кардааст.
Мавриди ёдоварист, ки барои хизматҳои шоён дар назди халқу Ватан бо Фармони Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 8 сентябри соли 1997 ба Садриддин Айни унвони «Қаҳрамони Тоҷикистон» дода шуда, калонтарин Донишгоҳи давлатии омӯзгории Тоҷикистон ба номи С.Айнӣ гузошта шудааст.

Июнь 30, 2016 15:35

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад