Бинои маъмурии Кумитаи идораи замин дар ВМКБ баъди таъмиру азнавсозӣ мавриди баҳрабардорӣ қарор гирифт

Июль 2, 2016 11:14

Душанбе, 02.07.2016. /АМИТ «Ховар»/. Дар рӯзҳои таҷлили бошукӯҳи ҷашни Ваҳдати миллӣ дар шаҳри Хоруғ як қатор иншооти дорои таъиноти гуногун, аз қабили корхонаҳои хурди истеҳсоли маҳсулоти хӯрокворӣ, иншооти маданию маишӣ, толорҳои варзишию нуқтаҳои солимгардонӣ ва меҳмонхонаю дигар марказҳои фароғатӣ мавриди баҳрабардорӣ қарор дода шуданд.
Бинои Кумитаи идораи замин  дар маркази Вилояти Мухтори Кӯҳистони Бадахшон-шаҳри Хоруғ аз ҷумлаи иншооте мебошад, ки баъди таъмири асосӣ мавриди истифода қарор гирифт.
Дар маросими мавриди баҳрабардорӣ қарор гирифтани ин бино муовини сарвазири Ҷумҳурии Тоҷикистон Азим Иброҳим, намояндагони Дастгоҳи иҷроияи Президенти  Ҷумҳурии Тоҷикистон ва роҳбарияти ВМКБ иштирок намуда,  аз шароити муҳаёшуда ва дастгоҳҳои замонавии муҷаҳазгашта дидан намуданд.
Барои азнавсозӣ ва таъмири пурраи бинои Кумитаи идораи замини вилоят аз ҳисоби маблағҳои худии Кумитаи давлатии идораи замин ва геодезии Ҷумҳурии Тоҷикистон зиёда аз 800 ҳазор сомонӣ ҷудо гардидааст.
Дар ин бинои хушсохти замонавӣ 50 нафар кормандону мутахассисони Кумитаи идораи замини ВМКБ, Кумитаи идораи замини шаҳри Хоруғ, Корхонаи давлатии фаръии бақайдгирии молу мулки ғайриманқули ВМКБ, Корхонаи давлатии фаръии бақайдгирии молу мулки ғайриманқули шаҳри Хоруғ ва Корхонаи воҳиди давлатии Аэрогеодезияи Бадахшон бо таҷҳизоти муосири аэрогеодезӣ фаъолият хоҳанд кард.
Дар бинои нав барои беҳтар намудани фаъолияти кормадон 22 адад компютер ва дастгоҳҳои замонавии соҳавӣ харидорӣ ва муҷаҳаз шудаанд. Барои таъмини шароити беҳтари фаъолияти мутахассисон 3 адад мошини сабукрави хизматӣ ба ноҳияхои Мурғоб, Роштқалъа ва Хоруғ туҳфа карда шуд.
Зимни сухбат бо мутахассисон гуфта шуд, ки аз ҷониби Ҳукумати мамлакат пайваста тадбирҳо андешида мешаванд, то ин ки шароити кори кормандон дар маҳалҳо хубу беҳтар ва ба талаботи давру замон мутобиқ гардонида шавад.
Дар рӯзҳои таҷлили ҷашни Ваҳдат ва дар арафаи иди умумимиллӣ 25-солагии Истиқлолияти давлатии Ҷумҳурии Тоҷикистон таъмиру таҷдид ва азнавсозӣ шудани бинои маъмурии Кумитаи идораи замин дар ВМКБ туҳфаи арзандаи Пешвои миллат муҳтарам Эмомалӣ Раҳмон барои кормандони соҳа дар вилоят гардид.

Июль 2, 2016 11:14

Хабарҳои дигари ин бахш

Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд
Насби пойгоҳи базавӣ чӣ қадар арзиш дорад?
Тоҷикистон ва Узбекистон татбиқи лоиҳаҳои манфиатбахши муштаракро баррасӣ намуданд
Имрӯз дар Тоҷикистон ҳавои тағйирёбанда мешавад
ҚУРБИ АСЪОР: дар Тоҷикистон 1 рубли русӣ аз 0. 1185 то 0.1205 сомонӣ муқаррар шудааст