Дар ВМКБ машваратҳо дар соҳаи моликияти саноатӣ доир мешаванд

Июль 26, 2016 16:17

Душанбе, 26.07.2016. /АМИТ «Ховар»/. Муассисаи давлатии Маркази миллии патенту иттилооти Вазорати рушди иқтисод ва савдои Ҷумҳурии Тоҷикистон 26 ва 27 июли соли ҷорӣ дар шаҳри Хоруғи Вилояти Мухтори Кӯҳистони Бадахшон машваратҳоро дар соҳаи ҳифзи объектҳои моликияти саноатӣ баргузор менамояд.
Дар кори машварат мутахассисон дар мавзӯъҳои «Ихтироъ — мафҳум, моҳият  ва  ҳифзи ҳуқуқии он», «Ҳифзи ихтироъ дар дигар кишварҳо», «Ҳифзи ҳуқуқии намунаҳои саноатӣ», «Тамғаҳои молӣ ва тамғаҳои хизматрасонӣ ва бақайдгирии онҳо», «Ҷанбаҳои иқтисодии моликияти зеҳнӣ», «Ҷанбаҳои ҳуқуқӣ ва зарурати ҳифзи моликияти зеҳнӣ», «Вазъи иқтидори илмӣ-техникӣ дар давраи Истиқлолият» «Моҳияти бақайдгирии давлатии захираҳои иттилоотӣ» ва «Тартиби ҷамъоварӣ ва ҷойгир кардани иттилоот дар соҳаи фаъолияти инноватсионӣ ва объектҳои моликияти зеҳнӣ дар интернет-портали муттаҳидаи «Барномаи рушди инноватсионии Ҷумҳурии Тоҷикистон барои соли 2011-2020» ва «Барномаи рушди неру ва моликияти зеҳнии инсон дар давраи то соли 2020»  баромад хоҳанд кард.
Дар кори машварат намояндагон аз мақомоти иҷроияи ҳокимияти давлатӣ дар шаҳру ноҳияҳои ВМКБ, раёсатҳои иқтисод, андоз, сармоягузорӣ ва идораи амвол, стандартизатсия, метрология, сертификатсия ва нозироти савдо, гумрук, устодону донишҷӯёни донишгоҳу донишкадаҳо, муассисаҳои илмӣ-таҳқиқотии зертобеи Академияи илмҳо, Академияи илмҳои кишоварзӣ, Академияи илмҳои тиббӣ, муассисаҳои таҳсилоти олии касбӣ ва соҳибкории хурду миёна иштирок хоҳанд кард.
Баргузор намудани чунин машваратҳо, пеш аз ҳама, иҷрои самтҳои сиёсати давлатии Ҳукумати Ҷумҳурии Тоҷикистон ва вазифаҳои дахлдори он дар рушди соҳаи моликияти зеҳнӣ дар ҷумҳурӣ мебошад.
Бояд зикр намуд, ки моликияти зеҳнӣ яке аз омилҳои асосии рушди иқтисодиёт мебошад ва дар навбати худ рушди иқтисодиёт метавонад ба рушди моликияти зеҳнӣ мусоидат намояд
Амалигардонии мақсад ва ҳадафҳои «Стратегияи милли рушди моликияти зеҳнии Ҷумҳурии Тоҷикистон барои солҳои 2014-2020» ин фароҳам овардани шароит барои рушди ҳимоя, ҳифз, идоракунӣ ва истифодаи иқтидори моликияти зеҳнӣ дар маҷмӯъ ба ҳисоб меравад, ки ин дар навбати худ барои рушди иқтисодиёти рақобатпазири миллӣ, ки асоси он илм ва инноватсия мебошад, мусоидат менамояд.

Июль 26, 2016 16:17

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт