Фарҳанг: ҳамкорӣ бо кишварҳои хориҷӣ густариш меёбанд

Июль 23, 2016 08:24

Душанбе, 23.07.2016. /АМИТ «Ховар»/.  Дирӯз дар  нишасти матбуотии Вазорати фарҳанги Ҷумҳурии Тоҷикистон    зикр гардид, ки дар нимсолаи аввали соли равон  иштироки аҳли фарҳангу ҳунар  дар чорабиниҳои фарҳангии дар  кишварҳои хориҷ баргузоргардида назаррас буд. Аз ҷумла, моҳи марти соли равон  ҳунармандони тоҷик бобати ширкат дар чорабиниҳои фарҳангӣ бахшида ба Иди Наврӯзи байналмилалӣ ба давлатҳои Қатар, Кувайт, Ҷумҳуриҳои Қазоқистон, Бошқирдистони Федератсияи Русия,  ҳайати даҳнафараи ҳунармандони тоҷик барои иштирок дар чорабинии фарҳангӣ бахшида ба «Пойтахти фарҳанги Иттиҳоди Давлатҳои Мустақил эълон гардидани шаҳри Дашогуз дар соли 2016» ба Туркманистон  ва  моҳи  июни ҳамин сол  8 нафар ҳунарманди Сирки тоҷик дар Фестивали байналмилалии сирк ба  кишвари Миср  сафари ҳунарӣ доштанд ва Тоҷикистонро дар ин ҳамоишҳои ҷаҳонӣ муаррифӣ намуданд.
Дар нишаст ҳамчунин зикр гардид, ки  вазорат ҳамкориро  бо сафоратхонаҳои  кишварҳои  хориҷии муқими Тоҷикистон  густариш  дода,   дар давраи ҳисоботӣ Сафорати Ҷумҳурии Исломии Эрон барномаи консертии гурӯҳи ҳунарии   «Нағма»-ро дар бинои Филармонияи давлатии Тоҷикистон ба номи А. Ҷӯраев,  Сафорати Ҷумҳурии Мардумии Чин дар Тоҷикистон  ҷиҳати таҷлили Иди миллии баҳори  чинӣ  барномаи фарҳангиро таҳти унвони «Чин ва Тоҷикистон оилаи ягона» дар бинои Театри академии опера ва балети ба номи С. Айнӣ,    Сафорати Ҷопон  Рӯзҳои фарҳангии кишвари Ҷопонро дар Маркази Исмоилияи Тоҷикистон ва  Сафорати Ҳиндустон Рӯзҳои фарҳанги Ҷумҳурии Ҳиндустон дар Ҷумҳурии  Тоҷикистонро баргузор намуданд.
Ҳамчунин дар ин давра Ансамбли маъюбони Ҷумҳурии Мардумии Чин дар Театри давлатии академии опера ва балети ба номи С.Айнӣ ва Боғи «Ирам»-и пойтахт се барномаи ҷолиби ҳунарӣ намоиш доданд.

Июль 23, 2016 08:24

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд