Иттиҳодияи давлатии гурӯҳҳои эҷодию консертӣ ба водии Рашт мераванд

Июль 26, 2016 13:26

Душанбе, 26.07.2016. /АМИТ «Ховар»/. Бахшида ба 25-солагии Истиқлолияти давлатии Ҷумҳурии Тоҷикистон аз 26 то 30 юми августи соли ҷорӣ гурӯҳҳои ҳунарии Муассисаи давлатии Иттиҳодияи давлатии гурӯҳҳои эҷодию консертии назди Вазорати фарҳанг, ки дар ҳайати он ҳунармандони оркестри эстрадии «Гулшан», ансамбли рақсии «Ҷахоноро», ансамбли «Садои шарқ» фаъолият мебаранд, ба ноҳияи Рашт сафар хоҳанд кард.
Боиси зикр аст, ки баъди ба даст овардани Истиқлолияти давлатӣ дар тӯли 25 сол ин сафари аввалини гурӯҳҳои эҷодию консертии номбурда ба ҷамоату деҳоти дуртарини ноҳия, аз қабили Ҳоит, Ясман, Боқӣ Раҳимзода, Тагоба, шаҳраки Навобод, Қалъаи сурх, Ҷафр ва Ҳиҷборак мебошад. Тӯли панҷ рӯз барномаи рангини консертӣ бо иштироки адибону шоирон, намояндагони Ҳизби халқии демократии Тоҷикистон, Кумитаи ҷавонон, варзиш ва саёҳии назди Ҳукумати Ҷумҳурии Тоҷикистон пешкаши сокинони водии Рашт мегардад.
РаштҲунармандони шинохта Исматулло Холов, Фаридаи Бахтиёр, Парвина Ҳақназарова, Эркин Одинаев, Зафар Абдуалимов ва ансамбли рақсии «Ҷаҳоноро» таҳти роҳбарии ҳунарпешаи шоистаи Тоҷикистон Дилором Сатторова табъи тамошобинонро болида хоҳанд кард.
Барномаҳои мазкур барои дар сатҳи баланд ҷашн гирифтани 25-солагии Истиқлолияти давлатии Тоҷикистон ва баланд бардоштани ҳисси ватандӯстиву хештаншиносии мардум баргузор хоҳанд гардид.

Июль 26, 2016 13:26

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад