Натиҷаи тендери байналмилалӣ: НБО «Роғун»-ро ширкати Salini Impregilо-и Италия месозад

Июл 1, 2016 11:45

Хабарҳои мавзӯъ

Рогун-4

Душанбе, 01.07.2016. /АМИТ «Ховар»/. Имрӯз дар бинои Китобхонаи миллии Тоҷикистон маросими ба имзо расонидани Созишномаи усулии ҳамкорӣ байни Ҷамъияти Саҳҳомии Кушодаи «Нерӯгоҳи барқи обии «Роғун» ва Ширкати «Салини Импреҷило»- и Италия (Salini Impregilо) баргузор гардид.

Хотиррасон бояд шуд, ки Ҳукумати Ҷумҳурии Тоҷикистон дар давоми солҳои 2008-2014 барои татбиқи лоиҳаи сохтмони НБО «Роғун» бо Бонки Ҷаҳонӣ ҳамкории судманд дошт. Дар ин давра бо дастгирии ин Бонк баҳогузориҳои техникиву иқтисодӣ ва экологиву иҷтимоии лоиҳаи сохтмони НБО «Роғун» аз ҷониби ширкатҳову коршиносони байналмилалии Фаронса, Италия, Британияи Кабир, Швейтсария ва дигар давлатҳо ба таври шаффоф ва воқеъбинона анҷом дода шуданд. Аз рӯи натиҷаи ин баҳогузориҳо сохтмони нерӯгоҳи номбурда аз ҷиҳати бехатарӣ, техникӣ, иқтисодӣ ва экологиву иҷтимоӣ манфиатнок арзёбӣ гардидааст.

Дар ҳамин асос эълон оид ба гузаронидани тендерҳои байналмилалӣ вобаста ба лоиҳакашӣ, харид ва сохтмони иншооти НБО «Роғун» мутобиқи 4 Лот дар воситаҳои ахбори омма ва сомонаҳои соҳавӣ дар даҳаи сеюми моҳи феврали соли 2015 ба нашр расид ва 40 ширкати ватанию хориҷӣ аз 17 давлати ҷаҳон ҳавасмандии худро барои иштирок дар сохтмони иншооти НБО “Роғун” изҳор намуданд.

Бояд қайд кард, ки дар ҷаласаи Комиссия оид ба гузаронидани тендерҳои (озмунҳои) байналмилалӣ барои сохтмони иншооти НБО «Роғун» аз 27 июни соли 2016 ширкати «Салини Импреҷило» ғолиби тендерӣ байналмилалӣ ҷиҳати лоиҳакашӣ, харид ва сохтмони иншооти НБО “Роғун” дониста шуд.

Маблағи умумии созишномаи имзошуда байни НБО «Роғун» ва Ширкати «Салини Импреҷило» дар 4 Лот 3,9 миллиард доллари ИМА-ро ташкил дод. Лоти 2-юми ин лоиҳа, ки сохтмони садди асосии нерӯгоҳро дар бар мегирад, 1 милларду 950 миллион доллари ИМА-ро дарбар мегирад.

Ширкати «Салини Импреҷило» Гурӯҳи саноатӣ буда, зиёда аз 110 сол боз ба сохтмони иншооти азим ва комплексҳои инфросохтории ҷаҳонӣ машғул мебошад. Ширкати мазкур дар ҷаҳон ҳудуди 230 садд (плотина) ва нерӯгоҳҳои барқи обӣ бунёд намудааст. Ин ширкат дар фаъолияти худ аз инноватсияҳои технологии муосир истифода бурда, лоиҳакашӣ ва сохтмони иншооти гидроэнергетикиро амалӣ мегардонад ва оид ба иҷро намудани лоиҳаҳои инфросохторӣ дар бахшҳои (соҳаи) обӣ дар ҷаҳон пешсаф аст. Дар айни замон Ширкати «Салини Импреҷило» дар беш аз 50 давлати ҷаҳон фаъолияти густурда дорад.

Июл 1, 2016 11:45

Хабарҳои дигари ин бахш

IMG_0381Муаррифии Стратегияи миллии рушди Тоҷикистон барои давраи то соли 2030 дар Брюссел
Парчами Точикистону Арабистони СаудиСозишномаи қарзӣ баҳри татбиқи лоиҳаи «Сохтмон ва муҷаҳҳазгардонии як қатор мактабҳои миёна, марҳалаи 4» миёни Ҳукумати Тоҷикистон ва Сандуқи Рушди Саудӣ
18518979_1463220237061632_38806735_oДар Ҷидда Созишномаи қарзӣ барои татбиқи лоиҳаи «Сохтмони роҳи мошингузари Кӯлоб- Қаълаихумб, минтақаҳои A ва F» ба имзо расид
Ш. Зухуров ва Пан ЮнхеМубодилаи мол байни Тоҷикистону Чин дар соли 2020 ба 3 миллиард доллар расонида хоҳад шуд
DSC_0381+Дар «Кохи Борбад» намоиш-фурӯши маҳсулоти ширкатҳои ватанӣ доир шуд
БМБонки миллӣ фаъолияти ташкилотҳои қарзии «Асрина» ва «Армон»-ро қатъ гардонид
????????????????????????????????????Баррасии дурнамои рушди бозори байнибонкӣ дар Тоҷикистон
????????????????????????????????????Ҳамкории Бонки миллии Тоҷикистон ва Иттиҳод оид ба дастрасии молиявӣ (AFI)
Форуми Сохбкорони КАЗ+ТОЧ (14)Қазоқистон баъд аз Россия ва Чин дар рушди иқтисоди Тоҷикистон ҷойгоҳи арзишманд дорад
Форуми Сохбкорони КАЗ+ТОЧ (5)Ба имзо расидани қарордод ба маблағи $ 3 миллион байни «Amitech Astana» ва «ПластСервис»-и Тоҷикистон
Бизнес Форум (2)Дар Душанбе имкониятҳои иқтисодию тиҷоратии Тоҷикистону Ӯзбекистон муаррифӣ шуданд
Доллар-0Шарҳи навбатии Бонки миллии Тоҷикистон оид ба вазъи қурби пули миллӣ ва бозори дохилии асъор