Раёсати Хадамоти муҳоҷират дар вилояти Суғд: гурӯҳи навбатии муҳоҷирон ба Федератсияи Русия сафарбар шуд

Июль 30, 2016 10:20

Душанбе, 30.07.2016. /АМИТ «Ховар»/. Субъекти хоҷагидории ҶДММ «Сомонэкспресстранс» дар ҳамкорӣ бо раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд гурӯҳи навбатии муҳоҷирони меҳнатиро ба Федератсияи Русия сафарбар намуд.
Бино ба иттилои сардори гурӯҳ Акмал Ҳомидов, ки ҳамзамон вазифаи роҳбаладиро ба уҳда дорад, 40 нафар муҳоҷирони меҳнатии сафарбаршуда асосан сокинони шаҳри Конибодом ва ноҳияи Бобоҷон Ғафуров мебошанд. Муҳлати муҳоҷирати меҳнатии онҳо 1 сол пешбинӣ шудааст.
Акмал Ҳомидов инчунин зикр кард, ки шаҳри қабулкунандаи муҳоҷирон Сургут мебошад. Тибқи нақша онҳо асосан ба корҳои сохтмонӣ машғул хоҳанд шуд.
Дар маросими гусел муҳоҷирони меҳнатӣ аз ҷониби кормандони раёсат бо қоидаҳои муҳоҷирати бехатар шинос ва бо маводи ташвиқотию тарғиботӣ таъмин шуданд.
Дар ин бора ба АМИТ «Ховар» аз  раёсати Хадамоти муҳоҷират дар вилояти Суғд иттилоъ доданд.

Июль 30, 2016 10:20

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад