Шамсиддин Орумбекзода, Вазири фарҳанги Ҷумҳурии Тоҷикистон: «Комёбиҳо дар соҳаи фарҳанг назаррасанд»
Душанбе, 22.07.2016 /АМИТ «Ховар»/. Шамсиддин Орумбекзода, вазири фарҳанги Ҷумҳурии Тоҷикистон имрӯз зимни нишасти матбуотӣ натиҷаҳои фаъолияти ин мақомотро дар нимсолаи аввали соли равон шарҳ дода, гуфт ки бо вуҷуди камбудиву норасоиҳои мавҷуда дар ин давра, соҳаи фарҳанги кишвар ба як қатор комёбиҳо ноил гардид. Мавсуф, аз ҷумла, таъкид кард, ки сохтмони қасрҳои фарҳанги замонавӣ, боғҳои фарҳангию фароғатӣ дар як қатор шаҳру ноҳияҳои ҷумҳурӣ, ба истифода дода шудани бинои нави Кохи фарҳанг ва таъсиси Театри драмавӣ-мусиқии ба номи Маҳмудҷон Воҳидов дар ноҳияи Ашт, ифтитоҳи муҷассамаи Исмоили Сомонӣ дар ноҳияи Мастчоҳ ва гузоштани санги асос ба корҳои сохтмонии Қасри фарҳанг дар маркази ноҳияи Шуғнон аз ҷониби Асосгузори сулҳу Ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон баёнгари тадбирҳои пайгиронаи Ҳукумати Ҷумҳурии Тоҷикистон ҷиҳати фароҳам овардани шароити мусоид баҳри эҷоди низоми арзишҳои устувори маънавӣ дар ҷомеа мебошанд.
«Қабул гардидани «Барномаи давлатии рушди муассисаҳои фарҳангӣ барои солҳои 2016-2020», таҳияи лоиҳаи қарори Ҳукумати Ҷумҳурии Тоҷикистон «Дар бораи тасдиқи Барномаи давлатии рушди дурнамои санъати Шашмақому Фалак ва мактаби суннатии устод-шогирд дар Ҷумҳурии Тоҷикистон барои солҳои 2017-2021» ва лоиҳаи «Консепсияи рушди фарҳанг дар Ҷумҳурии Тоҷикистон барои солҳои 2017-2030» низ аз дастовардҳои вазорат дар давраи ҳисоботӣ маҳсуб мешаванд, ки ҳаллу фасли маҷмӯи мушкилоти мавҷудаи соҳаи мазкур ва рушду такомули фарҳанги миллӣ мусоидат хоҳад намуд», -илова кард Ш. Орумбекзода.
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
