Тарбиятгирандагони мактаб-интернати деҳаи Сипонҷи ноҳияи Рӯшон соҳиби бинои таълимӣ ва хобгоҳ мегарданд

Июль 26, 2016 13:28

Хоруғ, 26.07.2016. /АМИТ«Ховар»/. Бо маблағгузории шуъбаи сохтмони асосии Мақомоти иҷроияи ҳокимияти давлатии ВМКБ  бунёди бинои нави мактаб-интернати деҳаи Сипонҷи ноҳияи Рӯшон оғоз ёфт.
Ба гуфтаи директори ин муассисаи таълимӣ, бинои қаблӣ аввали солҳои шастуми асри гузашта сохта шудааст ва дар натиҷаи зилзила ва барфу боронгариҳо комилан хароб гардидааст. Омӯзгорону хонандагони мактаби мо   бо як нома аз Пешвои миллат хоҳиш намуданд, ки барои бунёди бинои нав ба мо кумак  расонад. Водии Бартанг аз маркази вилоят ва ноҳия хеле дур ҷо гирифтааст ва дар фасли зимистон роҳи мошинагард ба иллати тармаву сел ва сангчарх зуд зуд баста мешавад. Аксарияти тарбиятгирандагон ҳатто дар таътили зимистона низ дар ҳамин ҷо мемонанд. Бо сабаби кӯҳнаву фарсуда шудани дару тиреза, фаршу боми синфхонаҳо ва  хобгоҳ гарм карданашон барои мо хеле мушкил аст.
Бинои нав аз ду ошёна иборат буда, то 250 хонанда дар он таҳсил мекунанд. Ҳамзамон дар канори бинои таълимӣ хобгоҳ барои 50 нафар эъмор мегардад. Ин бино соли оянда мавриди баҳрабардорӣ қарор хоҳад гирифт.

Июль 26, 2016 13:28

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт