Варзишгарони тоҷик ба Бразилия сафар карданд

Июль 29, 2016 14:47

Душанбе, 29.07.2016. /АМИТ «Ховар»/. 28 июл ҳайати дастаи мунтахаби варзишгарони Тоҷикистон барои ширкат дар Бозиҳои XXXI тобистонаи олимпӣ тавассути ҳавопаймо бо хатсайри Душанбе-Истанбул-Сан-Паулу-Рио-де-Жанейро ба Бразилия сафар карданд.
Варзишгаронро дар фурудгоҳи байналмилалии шаҳри Душанбе намояндагони Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, Кумитаи миллии олимпӣ, федератсияҳои миллии варзишӣ, устодон ва донишҷӯёни Донишкадаи тарбияи ҷисмонии ба номи Саидмуъмин Раҳимов, мурабиёну наздиконашон  гусел намуда, дар Бозиҳои тобистонаи олимпӣ барояшон барору комёбиҳо таманно намуданд.
Хотиррасон менамоем, ки  ҳайати олимпии Тоҷикистон аз 23 нафар иборат буда, ҳафт нафари онҳо варзишгар ва 16 нафари дигар мураббиёну роҳбарони федератсияҳои миллии варзишӣ ва ашхоси расмӣ мебошанд. Варзишгарони тоҷик дар Олимпиада дар чор риштаи варзиш- бокс, варзиши сабук, дзюдо ва шиноварӣ Тоҷикистонро муаррифӣ хоҳанд кард.
Ёдовар мешавем, ки  гурзандози машҳури тоҷик Дилшод Назаров парчамбардори Тоҷикистон дар маросими ифтитоҳи Бозиҳои XXXI тобистонаи олимпӣ интихоб шудааст. Ин бозиҳо 5 август дар варзишгоҳи «Маракана»-и Рио-де-Жанейрои Бразилия ифтитоҳ меёбанд.
Дилшод Назаров бори чорум аст, ки Тоҷикистонро  дар Бозиҳои олимпӣ муаррифӣ мекунад.

Июль 29, 2016 14:47

Хабарҳои дигари ин бахш

«ANTALYA GRAND SLAM-2024». Ҷудочии тоҷик Эмомалӣ Нуралӣ ба финал баромад
Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд