Масъалаҳои мубориза ва пайомадҳои номатлуби нашъамандӣ дар яке аз қисмҳои ҳарбии Вазорати мудофиаи ҶТ муҳокима гардид

Август 26, 2016 09:00

Душанбе, 26.08.16. /АМИТ «Ховар»/. Дар яке аз қисмҳои ҳарбии қӯшунҳои хушкигарди Вазорати мудофиаи Ҷумҳурии Тоҷикистон дар ноҳияи Бобоҷон Ғафурови вилояти Суғд доир ба пешгирӣ, мубориза ва пайомадҳои номатлуби нашъамандӣ вохӯрӣ баргузор карда шуд.
Вохӯрии мазкур бо иқдоми Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Суғд доир гашта, дар он ҳайати фармондеҳии қисми низомӣ, муовинони командири қисми ҳарбӣ ва афсарону сарбозон ширкат доштанд.
Тавре ба АМИТ «Ховар» аз маркази матбуоти агентии мазкур хабар доданд, ба иштирокчиён оид ба бемории нашъамандӣ, омилҳои гирифторӣ ба ин бемории марговар ва оқибатҳои тиббиву иҷтимоии он маълумоти муфассал дода шуд. Дар баробари ин оид ба вазъи умумии нашъамандии вилоят, натиҷаҳои фаъолияти хизматии мақомоти ҳифзи ҳуқуқи вилоят дар самти муқовимат бар зидди гардиши ғайриқонунии маводи мухаддир ва чораҳои амалишаванда бобати пешгирии қочоқи маводи мухаддир мубодилаи афкор сурат гирифт.
Ҳамчунин зикр карда шуд, ки дар ҷузъу томҳои Вазорати мудофиаи кишвар ба тарбияи хизматчёни халқу меҳан дар рӯҳияи худшиносии миллӣ ва садоқат ба ватан аҳамияти хосса дода шавад, то ягон қувваи харобкору даҳшатфикан ҷуръати халалдор сохтани амният ва таҷовуз ба марзу буми моро надошта бошад.

Август 26, 2016 09:00

Хабарҳои дигари ин бахш

Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд