Мулоқоти Сафири Тоҷикистон дар Арабистони Саудӣ бо Президенти Бонки исломии рушд

Август 27, 2016 09:39

Душанбе, 27.08.2016. /АМИТ «Ховар»/. Сафири фавқулодда ва мухтори Ҷумҳурии Тоҷикистон дар Шоҳигарии Арабистони Саудӣ Заробиддин Қосимӣ бо Президенти Бонки исломии рушд Аҳмад Муҳаммад Алӣ дар шаҳри Ҷидда мулоқот намуд.

Заробиддин Қосимӣ салому дуруди Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба дӯсти мардуми Тоҷикистон Аҳмад Муҳаммад Алӣ ироа дошта, ба ӯ ҳамзамон даъватномаи Ҳукумати Ҷумҳурии Тоҷикистонро барои иштирок дар Форуми байналмилалии соҳибкории Душанбе-2016 тақдим намуд.

Зимни мулоқот ҳамчунин доир ба татбиқи натиҷаҳои мулоқоти Президенти Ҷумҳурии Тоҷикистон муҳтарам Эмомалӣ Раҳмон бо Президенти Бонки исломии рушд Аҳмад Муҳаммад Алӣ, ки чанде пеш дар Ҷакарта, пойтахти Индонезия сурат гирифта буд, гуфтугӯйи судманд доир гардид.

Таваҷҷуҳи зиёд ба рафти маблағгузории лоиҳаҳои амалишаванда, аз ҷумла лоиҳаи навсозии роҳи мошингарди Кӯлоб-Қалъаи Хумб низ зоҳир гардид. Аҳмад Муҳаммад Алӣ таъкид дошт, ки барои дастгирии доимии пешрафту тараққиёти Тоҷикистон Бонки исломии рушд аз тамоми имконоти мавҷуда истифода хоҳад кард, аз ҷумла барои маблағгузории лоиҳаҳои нави пешниҳоднамудаи Ҳукумати Ҷумҳурии Тоҷикистон.

Дар ин мулоқот Президенти барои оянда интихобшудаи Бонки исломии рушд доктор Бандар Ҳаҷҷор низ иштирок намуд.

 

Август 27, 2016 09:39

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад