Намоиши аксҳо дар Россия бахшида ба 25-солагии Истиқлолияти давлатии Тоҷикистон
Душанбе, 11.08.2016./АМИТ «Ховар»/. Дар Владикавказ, пойтахти Ҷумҳурии Осетияи Шимолии Федератсияи Россия маросими ифтитоҳи намоиши аксҳои суратгири тоҷик, аъзои Иттифоқи журналистони Тоҷикистон ва Русия Шӯҳратҷон Ёров баргузор гардид. Намоиши фарҳангӣ ба 25-умин солгарди истиқлолияти ҶТ бахшида шудааст. Дар ин бора «Sputnik Тоҷикистон» зимни суҳбате бо аккос Ёров хабар додааст.
Ба гуфти аккос, ҳадафи асосии ӯ нишон додани дастовардҳои Тоҷикистон дар тӯли 25-соли Истиқлолияти давлатии Тоҷикистон мебошад.
Баъди чанд рӯз намоиши аксҳои суратгир дар Махачқалъа, пойтахти Ҷумҳурии Доғистон ва сипас дар пойтахти Русия шаҳри Москва баргузор мегардад.
«Бо суратҳои гирифтаи худ ман мехоҳам зебогиҳои диёрамонро ба дигар халқиятҳои ҷаҳон нишон бидиҳам, то онҳо аз зебогию табиати нотакрори Тоҷикистон ҳаловат баранд. Ман аз тамоми минтақаҳои кишварамон дидан кардам, дар чорабиниҳои зиёди фарҳангӣ ширкат варзидам. Ҳамаи суратҳоеро, ки барои намоиш интихоб шудаанд, ба ман хеле писанданд. Мавзӯъи намоишгоҳро метавон «25-соли истиқлолияти ҶТ» номид. То ҷашни бузурги давлатӣ ман мехоҳам симои имрӯзаи Тоҷикистонро ба дигар халқиятҳо нишон бидиҳам»,-иброз дошт аксбардор.
Ба қавли аккоси тоҷик, дар суратҳо ҳаёти гуногунранги мардуми Тоҷикистон нишон дода шудааст.
«Дар аксҳо тамоми соҳаҳои ҳаёти Тоҷикистон: сиёсат, иқтисод, фарҳанг, аксҳо аз чорабиниҳои фарҳангӣ, кӯдакон ва дигар лаҳзаҳои ҷолиби ҳаёти тоҷикон таҷассум гардидааст. Ҳатто аксҳои Бимболат Ватаев-ҳунарманди мардумӣ, ки дар филмҳои «Ҳасани аробакаш», «Достони Рустам» ва «Достони Сиёвуш» нақши асосиро бозидааст, ба намоши гузошта шудаанд. Ман тасмим гирифтам, ки ин суратҳоро низ ба намоиш гузорам»,- зикр намудааст Шӯҳратҷон Ёров.
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
ИМРӮЗ-РӮЗИ ҶАҲОНИИ ҲИФЗИ ЁДГОРИҲОИ ТАЪРИХИЮ ФАРҲАНГӢ. Дар Тоҷикистон зиёда аз 100 ёдгории таърихиву фарҳангӣ тармиму барқарор гардид
Дар Қасри фарҳанги ноҳияи Варзоб ба алоқамандони синамо филми ҳунарии «Таҳаввулот» намоиш дода шуд
Ҳамкории Академияи миллии илмҳои Тоҷикистон ва муассисаҳои илмии Чин густариш меёбад
Маърифати ҳуқуқӣ ва экологӣ — омили ободкориву созандагӣ. Эҳдо ба Рӯзи пойтахти Тоҷикистон
Риояи дастурамали либосҳои тавсиявӣ барои занону духтарони Тоҷикистон арҷгузорӣ ба суннатҳои миллӣ ва эҳтиром ба миллат аст
