Пан Ги Мун: «Ман пешгомӣ ва дастгирии Ҳукумати Ҷумҳурии Тоҷикистонро ҷиҳати пешбурди мақсади рушди устувор оид ба об ва беҳдошт дар ҷаҳон дар сатҳи баланд арзёбӣ мекунам»

Август 10, 2016 09:59

Душанбе, 10.08.2016. /АМИТ «Ховар»/. «Ман пешгомӣ  ва дастгирии Ҳукумати Ҷумҳурии Тоҷикистон  ҷиҳати пешбурди мақсади рушди устувор оид ба об ва беҳдошт дар  ҷаҳонро  дар сатҳи баланд арзёбӣ  мекунам»,- гуфта шудааст дар барқияи табрикотии Дабири кулли СММ Пан Ги Мун, ки онро муовини Дабири кулли СММ Гян Чандра Ачария дирӯз ба иштирокдорони Симпозиуми байналмилалии «Таъмини дастрасии умум ба об ва беҳдошт» ироа намуд.
Дар барқияи табрикотии Дабири кулли СММ ҳамчунин омадааст: «Дар барномаи рушди устувор зикр гардидааст, ки дастрасии  ҳамагон ба хизматрасониҳои асосӣ, аз ҷумла ба обу беҳдошт таъмин карда хоҳад шуд. Дар  амал пиёда намудани ин нақша муносибати ҳамаҷонибаи ба принсипҳои ҳуқуқи  инсон асосёфтаро тақозо менамояд. Ҳадафи шашуми рушди устувор умеду орзуҳои  ҷомеаи ҷаҳониро ба як  экосистемаи солим барои ояндаи босубот ифода мекунад».
Муовини Дабири кулли СММ Гян Ачария зимни суханрониаш ба  Ҳукумат ва мардуми Тоҷикистон  барои ташаббуси саривақтӣ  оид ба  масъалаҳои об  изҳори сипос намуд.
Хотиррасон мекунем,  ки Симпозиуми байналмилалӣ имрӯз кори худро идома хоҳад дод. Дар он намояндагони ҳукуматҳо ва роҳбароне, ки дар мавриди истифодаи захираҳои об метавонанд қарор қабул кунанд, коршиносон аз созмонҳои минтақавӣ ва байналмилалӣ, намояндагони доираҳои академӣ, илмӣ ва соҳибкорӣ, ҳамчунин ҷомеаи шаҳрвандӣ  иштирок доранд.
Дар маҷмӯъ, дар ин Симпозиум зиёда аз 700 нафар меҳмонон аз 90 кишвари олам, 47 ташкилоти байналмилалӣ ва минтақавӣ, ба монанди СҲШ, ИДМ, Созмони ҳамкории иқтисодӣ, Бонки ҷаҳонӣ, Салиби Сурх ва ғайра  ширкат меварзанд.

Август 10, 2016 09:59

Хабарҳои дигари ин бахш

Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд
Тоҷикистон ва Туркия муносибатҳои дуҷонибаро дар самтҳои сиёсӣ, иқтисодӣ ва сармоягузорӣ баррасӣ намуданд
Дар шаҳри Москва Наврӯзи байналмилалиро таҷлил намуданд
Ҷашни байналмилалии Наврӯзро дар Ашқобод бошукуҳ таҷлил намуданд
Дар Берлин ҷашни байналмилалии Наврӯзро таҷлил намуданд
Дар Душанбе фаъолияти Бонки аврупоии таҷдид ва рушд дар Тоҷикистон баррасӣ шуд