Пешвои миллат: «Ният дорем, ки Тоҷикистонро ба мамлакати саноативу кишоварзии содироткунандаи маҳсулот табдил диҳем»

Август 31, 2016 14:06

Душанбе, 31.08.2016 /АМИТ «Ховар»/. «Бо вуҷуди тӯл кашидани марҳалаи ташаккули соҳаи саноати мамлакат тайи солҳои соҳибистиқлолӣ дастовардҳо дар ин самт хеле назаррасанд ва мо ният дорем, ки бо назардошти имкониятҳои мавҷуда Тоҷикистонро аз кишвари аграриву саноатӣ ба мамлакати саноативу кишоварзии содироткунандаи маҳсулот табдил диҳем», -гуфтанд Пешвои миллат муҳтарам Эмомалӣ Раҳмон имрӯз зимни суханронии хеш дар маросими ифтитоҳи Маҷмааи нассоҷии Ҷамъияти саҳҳомии «Ҷунтай-Данғара Син-Силу текстил» дар ноҳияи Данғара.
Ба иттилои Сарвари давлат, ҳоло дар кишварамон садҳо корхонаҳои хурду бузурги саноатӣ бунёд карда шудаанд, ки саҳми онҳо дар истеҳсоли маҳсулоти саноатии хушсифат торафт афзуда истодааст.
Тибқи нақшаи Ҳукумати мамлакат доир ба таъсиси коргоҳу корхонаҳои истеҳсолӣ пешбинӣ гардидааст, ки соли равон дар кишвар 161 коргоҳу корхонаи истеҳсолии дорои беш аз 6 ҳазор ҷойи корӣ мавриди истифода қарор дода шавад.
Танҳо дар нимсолаи аввали соли равон дар мамлакат 114 коргоҳу корхонаҳои саноатӣ бо таъсиси беш аз 3600 ҷойи корӣ оид ба коркарди маъдан, масолеҳи сохтмон ва саноати сабук ба истифода дода шуданд, ки дар баробари тақвияти иқтидори содиротии кишвар, ба коҳиш додани нархи маҳсулот ва муҳайё намудани ҷойҳои нави корӣ мусоидат кардаанд.
«Дар қатори дигар шаҳру ноҳияҳои мамлакат дар ноҳияи Данғара танҳо соли гузашта 6 корхонаи хурди истеҳсолӣ бунёд гардида, ҳаҷми маҳсулоти саноатӣ ба зиёда аз 400 миллион сомонӣ расидааст»,- афзуданд Пешвои миллат ва ҳамчунин илова намуданд, ки «Минтақаи озоди иқтисодӣ дар ноҳия имкониятҳои васеи сармоягузориву соҳибкориро доро мебошад».

Август 31, 2016 14:06

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт