«SaferWorld» («Дунёи бехатар») дар Душанбе барои кормандони милитсия давраи омӯзишӣ доир кард

Август 31, 2016 09:39

Душанбе, 31.08.2016./АМИТ «Ховар»/. 30 август дар меҳмонхонаи «Атлас»-и шаҳри Душанбе дар доираи Барномаи ислоҳоти милитсия бо дастгирии ташкилоти байналмилалии «SaferWorld» (Дунёи бехатар) барои аъзои Шӯрои ҷамъиятӣ дар шаҳри Душанбе ва кормандони милитсия давраи омӯзишӣ доир шуд.
Ҳадафи давраи омӯзишӣ ба аъзои Шӯрои ҷамъиятӣ омӯзонидани усули тартибдиҳии харита, афзалиятдиҳии мушкилот, таҳлили вазъ дар ҷомеа тибқи усули «Дарахти мушкилот» мебошад.
Дар навбати худ аъзои Шӯрои ҷамъиятӣ пас аз гузаштани давраи омӯзишӣ ба минтақаҳои вобасташуда баргашта, бо қишрҳои гуногуни аҳолӣ ва намояндагони мақомоти ҳокимияти давлатӣ вомехӯранд.
Ҳамчунин дар якҷоягӣ бо онҳо нақшаи ҳалли мушкилӣ ва фаъолияти аъзои Шӯрои ҷамъиятиро таҳия ва тартиб медиҳанд.
Дар асоси пурсиши аҳолӣ дар яке аз минтақаҳои ноҳияи Синои шаҳри Душанбе Маркази ҳамкории милитсия бо ҷомеа таъсис дода шудааст ва дар заминаи он гурӯҳи ҳамкорӣ бо милитсия аз ҳисоби намояндагони тамоми қишрҳои ҷомеа ташкил карда мешавад.
Омӯзгорони оянда бо аъзои ин гурӯҳ чунин давраҳои омӯзиширо доир намуда, дар ҳалли мушкилоти мардум, пешгирии ҷинояткорӣ, ҳолатҳои зӯроварӣ дар оила ва дигар корҳои дорои хусусияти тарғиботӣ кумаки худро мерасонанд.
Дар ин бора ба АМИТ «Ховар» аз Вазорати корҳои дохилии Ҷумҳурии Тоҷикистон хабар доданд.

Август 31, 2016 09:39

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт