Соҳибкорони ҷамоати деҳоти Техарв дар пешрафти соҳаи маориф саҳм мегузоранд

Август 30, 2016 17:05

Ванҷ, 30.08. 2016. /АМИТ «Ховар»/. Дар деҳаи дурдасти Чихохи ҷамоати деҳоти Техарви ноҳияи Ванҷ бо ибтикори соҳибкорони маҳаллӣ ду синфхонаи иловагӣ ва толори дорои 60 ҷои нишаст ба истифода дода шуд. Яке аз ин синфхонаҳо бо 8 компютер ва принтер муҷаҳҳаз гардонида шуд. Ҳамчунин саҳни таълимгоҳ ҳамвор ва гирди он панҷара кашида шуд.
Дар ифтитоҳи синфхонаҳо намояндагони мақомоти иҷроияи ҳокимияти давлатии ноҳия, омӯзгорону хонандагон ва волидони онҳо ширкат варзиданд. Собиқадори соҳаи маориф Садриддин Асоев, ки 40 соли ҳаёти худро сарфи таълиму тарбияи фарзандони сокинони ҳамин деҳа кардааст, гуфт, ки ҳукумати кишвар ба соҳаи маориф таваҷҷуҳи беандоза дорад. Соли равон боз таҳкурсии се бинои таълимгоҳи ҳозиразамон дар ҳудуди ноҳия гузошта шуд. Яке аз ин биноҳо, ки аз се ошёна иборат аст, бештар аз 600 хонандаро ба оғӯши худ хоҳад гирифт. Пешвои миллат соҳаи маорифро яке аз соҳаҳои муҳими ҷумҳурӣ арзёбӣ кард ва ҳамасола мушоҳида мекунем, ки дар ин ё он гӯшаи ватанамон биноҳои хуштарҳу зебо қомат рост мекунанд. Ба гуфтаи ин омӯзгори собиқадор, ояндаи кишвар дар дасти насли наврас аст. Ҳар қадар инҳо аз илму дониш ва ҳунар баҳра баранд, ҳамон қадар хизматашон дар роҳи ободии ватан муассиртар хоҳад буд.
Баъди ифтитоҳи синфхонаҳо дар саҳни мактаб ҳамоиши идона баргузор гардид, ки дар он заҳмати омӯзгорону собиқадорони соҳаи маориф, соҳибкорону бинокорон бо ифтихорнома ва туҳфаҳои хотиравӣ қадр карда шуд.

Август 30, 2016 17:05

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд