22 сентябр дар Тоҷикистон чун Рӯзи Рӯдакӣ таҷлил мешавад
Душанбе, 22.09.2016 /АМИТ «Ховар»/. Имрӯз дар Академияи илмҳои Ҷумҳурии Тоҷикистон бо ташаббуси Институти забон, адабиёт, шарқшиносӣ ва мероси хаттии ба номи Рӯдакӣ, Пажӯҳишгоҳи рушди маорифи АТТ ва Бунёди Рӯдакӣ ҳамоиши илмӣ ба ифтихори Рӯзи Рӯдакӣ «Таҳқиқ ва таълими мероси Абӯабдуллоҳи Рӯдакӣ дар даврони муосир» баргузор гардид.
Кароматулло Олимов, ноиби президенти Академияи илмҳои Ҷумҳурии Тоҷикистон иброз дошт, ки осори Абӯабдуллоҳ Рӯдакӣ ҳамеша пур аз ҳикмат, пур аз таҷрибаи рӯзгор ва санъати олии шеърӣ буда, то имрӯз ҳазорҳо шоирону адибонро тарбия кардааст.
«Рӯдакишиносӣ дар ҷумҳурӣ хеле ривоҷ ёфта, баъд аз ҷашни 1100 солагии Абӯабдуллоҳи Рӯдакӣ устодони бузург аз ҷумлаи Мирзо Турсунзода, Абдулҳамид Мирзоев, Шарифҷон Ҳусензода ва дигарон асару мақолаҳои зиёди пурмазмун эҷод карданд, ки барои рӯдакишиносии оянда такони ҷиддӣ аст»,- гуфт Кароматулло Олимов.
Ҳамчунин бахшида ба Рӯзи Рӯдакӣ шоми имрӯз Театри давлатии академии опера ва балети Тоҷикистон ба номи Садриддин Айнӣ бо дастгирии Вазорати фарҳанги кишвар дар нақша дорад, ки дар Қалъаи Ҳисори шаҳри Ҳисор операи Шарофиддин Сайфиддинов «Рӯдакӣ»-ро манзури ҳаводорони назм ва санъат гардонад.
Боиси зикр аст, ки соли 2002 бо ташаббуси вакилони Маҷлиси Олии Ҷумҳурии Тоҷикистон ва дастгириву тасдиқи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Қонуни Ҷумҳурии Тоҷикистон дар бораи «Рӯзҳои ид» тағирот ворид карда шуда, 22 сентябр Рӯзи Рӯдакӣ эълон гардид ва он ҳамасола ҷашн гирифта мешавад.
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
