Боздиди Сарвари давлат аз намоишгоҳи ҳунарҳои мардумӣ ва дастовардҳои соҳаи кишоварзии ноҳияи Нуробод

Сентябр 25, 2016 11:36
namoishgoh-nurobod

 Душанбе, 25.09.2016. /АМИТ «Ховар»/. Дар мавзеи Сари қоши ноҳияи Нуробод Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчунин бо вазъи парвариши картошка, ғунучини ҳосили ба даст омада, кишти такрории заминҳо, намоишгоҳи ҳунарҳои мардумӣ ва дастовардҳои соҳаи кишоварзӣ шинос шуданд.

Иттилоъ доданд, ки дар мавзеи Сари қош дар майдони 15 гектар навъи хуби картошка, аз ҷумла Тоҷикистон, Пикассо, Кардинал, Ғончӣ кишт карда шудааст ва меҳнаткашон аз он ҳосили дилхоҳ руёниданианд. Тавре маълум гардид, ки дар ин минтақа баъди ҷамъ овардани ҳосили ғалладонагиҳо дар масоҳати 8 гектар кишти такрории сабзӣ, лубиё, мош ва дар майдони 50 садяк замин картошка кишт карда шудааст.

Дар намоишгоҳ деҳқонони ноҳия маҳсулоти гуногуни соҳаи кишоварзӣ аз қабили сабзавот, мевагиҳо, асал, гиёҳҳои гуногуни табии шифобахш, моҳии зиндаро ба меҳмонон пешниҳод намуданд. Тавре маълум аст, дар ин минтақаи кишвар соҳаи картошкапарварӣ, занбуриасалпарварӣ ва моҳипарварӣ рушд карда истодааст ва дар намоишгоҳи имрӯза беҳтарин анво, меваю полезиҳо ва асал дар ҷойи махсус гузошта шуд.

Пешвои миллат муҳтарам Эмомалӣ Раҳмон ҳамчунин аз намоишгоҳи ҳунарҳои мардумии ноҳия дидан карда, бо маҳсули дасти устоҳои чирадаст, дӯзандаҳои бомаҳорат, кадбонуҳо, дуредгарон ва дигар ҳунармандон, ки дар ин ҷо ба маъраз гузошта шуда буд, шинос шуданд.

Сокинони ноҳияи Нуробод дар намоишгоҳи имрӯза дастоварди 25 — соли даврони соҳибистиқлолиро намоиш дода, дар гӯшаҳои махсус таомҳои миллӣ, сӯзанӣ, чакандӯзӣ, атласу адрас, қолинҳои дастӣ, асбобҳои рӯзғор ва расму оинҳои миллиро бо маҳорати баланд ва дар сатҳи хуби ташкилӣ пешкаш карданд.

Зимни тамошои намоишгоҳ Сарвари давлат муҳтарам Эмомалӣ Раҳмон ба ҳунари устоҳо, ҳосили фаровони меҳнаткашон ва дигар сокинони ноҳия, ки муҳсули дастранҷи худро ба маъраз гузошта буданд, баҳои баланд доданд.

Сентябр 25, 2016 11:36

Хабарҳои дигари ин бахш

Шиносоӣ бо рафти корҳои таъмиру таҷдиди роҳҳо дар кӯчаҳои Саидқул Турдиев ва Ҳамид Маҳмудови шаҳри ДушанбеШиносоии Президенти кишвар бо ҷараёни корҳои таъмиру таҷдиди роҳҳо дар кӯчаҳои Саидқул Турдиев ва Ҳамид Маҳмудови шаҳри Душанбе
Шиносои аз кучаи Муродулло ШералиШиносоии Пешвои миллат бо ҷараёни таъмири роҳҳои асосии кӯчаи Муродулло Шерализодаи шаҳри Душанбе
Гузоштани санги асоси ДДТТГузоштани санги асоси бинои марказӣ ва таълимии Донишгоҳи давлатии тиббии Тоҷикистон ба номи Абӯалӣ ибни Сино
Ифтитоҳи Муассисаи давлатии “Озмоишгоҳи миллии референсӣ” дар шаҳри ДушанбеИфтитоҳи Муассисаи давлатии “Озмоишгоҳи миллии референсӣ” дар шаҳри Душанбе
Мактаби Точикистону БритониёОғози бунёди Мактаби байналмилалии Тоҷикистону Бритониё
Мактаби 31 ш ДушанбеОғози сохтмони Мактаби №31-и ноҳияи Шоҳмансури шаҳри Душанбе
Санги асоси бинои Суди ОлиГузоштани санги асоси бинои нави Суди Олии Ҷумҳурии Тоҷикистон
34299399055_2028ac6f19_zМаҷлиси Ҳукумати Ҷумҳурии Тоҷикистон
Касри миллатМубодилаи барқияҳои табрикии Президенти Ҷумҳурии Тоҷикистон Эмомалӣ Раҳмон ва Иҷрокунандаи вазифаи Президент — Сарвазири Ҷумҳурии Корея Хван Гё Ан
33415319894_37ab8bc5d0_zМулоқоти Пешвои миллат Эмомалӣ Раҳмон бо Фармондеҳи Фармондеҳии марказии Штатҳои Муттаҳидаи Америка генерал Ҷозеф Л. Вотел
Монголия 2Барқияи табрикии Президенти Монголия Тсахиагийн Элбегдорж ба Президенти Ҷумҳурии Тоҷикистон Эмомалӣ Раҳмон
Цахиагийн Элбэгдорж МонголияБарқияи табрикии Пешвои миллат Эмомалӣ Раҳмон ба Президенти Монголия Тсахиагийн Элбегдорж