Боздошти марзшикан бо 1 килограмму 700 грамм героин дар соҳили дарёи Панҷ

Сентябрь 19, 2016 13:34

Хоруғ, 19.09.2016. /АМИТ «Ховар»/. Кормандони Раёсати Агентии назорати маводи нашъаовари назди Президенти Ҷумҳурии Тоҷикистон дар соҳили рӯдхонаи Панҷи деҳаи Барчиди ҷамоати Поршинев шаҳрванди 16-солаи Ҷумҳурии Исломии Афғонистон Элчибек валади Назримамадро ҳангоми убур аз дарё ба воситаи чархи мошин дар соҳили дарё боздошт намуданд. Дар вақти кофтуков аз борхалтаи селофаниаш хокаи сафед ба миқдори 1 килограмму 700 грамм пайдо карданд.
Мутобиқи маълумотномаи Шуъбаи криминалистии РВКД дар Вилояти Мухтори Кӯҳистони Бадахшон моддаи мазкур ба маводи нашъаовари навъи героин тааллуқ дошта, вазни холиси он 1 кг 700 граммро ташкил медиҳад. Сухангӯи ин агентӣ Гев Ошурмамадов изҳор дошт, дар ин амалиёт ба кормандони агентӣ шуъбаи иктишофии қисми низомии 2848-и Сарраёсати қӯшунҳои сарҳадии Кумитаи давлатии амнияти миллии ҶТ ва кормандони Раёсати Агентии давлатии назорати молиявӣ ва мубориза бо коррупсия ҳамкорӣ намуданд.
Ба гуфтаи Элчибек валади Назримамад, вай 16-сола буда, дар деҳаи Саричашмаи вулусволии Шуғнони вилояти Бадахшони Афғонистон таваллуд шудааст. Ӯ гуфт, ки ба ин кор ӯро як шиносаш бо фиреб тела додааст.
-Агар ин маводро ба «манзил» расонӣ, дар бозгашт ба ту 300 доллар медиҳам,-гуфтааст шиносаш.
Аммо ниҳодҳои амниятию назоратии ҷумҳурӣ нагузоштанд, ки ин бори каҷ ба «манзил» расад.

Сентябрь 19, 2016 13:34

Хабарҳои дигари ин бахш

Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт